"Araz-Naxçıvan" tilsimi qıra biləcəkmi? - AFİŞA

Misli Premyer Liqasında 34-cü turun mərkəzi görüşündə "Qarabağ" "Araz-Naxçıvan"ı qəbul edəcək.

Sport1.az xəbər verir ki, oyun artıq çempionluğu təmin etmiş "köhlən atlar" üçün formal xarakter daşıyır. Lakin Naxçıvan təmsilçisinin mövqeyini 6 xal geridə olan "Turan Tovuz"a qarşı az da olsa, itirmə ehtimalı var. Bürünc medalı qaranti altına almaq üçün qonaqlar meydandan sərfəli nəticə ilə ayrılmalıdır.

Bu tərəflər arasında 12-ci qarşılaşma olacaq. Son oyunda Ağdam təmsilçisi səfərdə rəqibinin qapısından 3 top keçirməklə qələbə qazanıb - 1:3.

Öncəki oyunların 7-də meydan sahibləri qalib gəlib, 3-də isə qonaqlar 3 xala sevinib. 1 matçda isə bərabərlik qeydə alınıb.

Bu oyuna qədər Qurban Qurbanovun yetirmələri rəqib qapısına 24 dəfə yol tapıb. Qonaqlar isə buraxılan qollardan cəmi 13-nün əvəzini çıxa bilib.

"Araz-Naxçıvan" son 4 oyunda heç bir komandaya qalib gələ bilməyib. Sizcə, "ağ-qırmızılar" uğursuz seriyasına bu gün son qoya biləcək?

MURAD ABDULLAZADƏ

Sport1.az