“Boz qurd” avrokuboklar üçün vacib xal axtarışında - AFİŞA

Misli Premyer Liqasında 33-cü turunun əsas görüşlərindən biri Zirədə baş tutacaq.

Sport1.az xəbər verir ki, turnir cədvəlinin 2-ci pilləsində yer alan meydan sahibləri 49 xalla 4-cü sırada qərarlaşan "Turan Tovuz"u qəbul edəcək. Bu tərəflər arasında 12-ci qarşılaşma olacaq. Son görüşdə qəsəbə təmsilçisi iki cavabsız qolla qalib gəlib - 0:2.

Öncəki oyunların 6-da "qartallar", 3-də isə Tovuz klubu qələbə qazanıb. 2 matçda isə tərəflər meydandan sülhlə ayrılıb.

Bu oyuna qədər "Zirə" "boz qurd"un qapısından 15 top keçirib. Qonaqlar isə bu qollardan 10-na cavab verməyi bacarıb.

Mövsümün sonuna az qaldığını nəzərə alsaq görüş "Turan Tovuz" üçün xüsusi əhəmiyyət daşıyır. Avrokuboklara yollanmaq arzusunda olan komanda bunun üçün son matçları əlverişli nəticələrlə başa vurmağa çalışmalıdır.

MURAD ABDULLAZADƏ

Sport1.az