II Liqa / Manşet
18:13
26.07.2025
716
"Şahdağ Qusar"dan nə baş verir? - Sabiq klub prezidentindən ŞOK AÇIQLAMA
Ötən mövsüm II Liqada çempion olan "Şahdağ Qusar"da vəziyyət qəlizdir.
Şimal təmsilçisi bütün futbolçuları ilə yolları ayırıb. Komanda toplaşmayıb. Klubun gələcəyi bəlli deyil. Klub prezidenti Elçin Cananov postundan göndərilib. Bir sözlə, Qusar təmsilçisində işlər qaydasında deyil. Nə baş verir? Niyə belə oldu?
Suallarımızı klubun sabiq prezidenti Elçin Cananova ünvanladıq. Şimal təmilçisinin sabiq rəsmisi məsələ ilə bağlı Sport1.az-a açıqlamasında bunları söylədi:
"Məni yaxından tanıyanlar bilir ki, futbolu çox sevirəm. Məqsədim həmişə ölkə futboluna faydalı olmaq olub. Elə buna görə də "Şahdağ Qusar"a dəvət olundum ki, komandanın inkişafına təkan verənlərdən olum. Klub prezidenti postuna gətirilsəm də, həmişə futbolçularla iç-içə olmağa çalışmışam. Bu komandanın zirvələrə qalxması və çempionluğu üçün bütün bacarığımı, gücümü, enerjimi ortaya qoydum. Cibimdən pullar xərcləyib, kreditə belə girdim. İstəyirdim ki, Qusar təmsilçisi qarşıya qoyulan hədəfə çatsın, yəni çempion olaraq I Liqaya vəsiqəni təmin edək. Klubun təsisçisi və digər rəsmiləriylə fikir ayrılığı apreldən başladı. Bunun başlıca səbəbi hədsiz laqeydlik, peşəkarlaşma yolunda işlərdə lənglik və maneələr yaratmaları idi. Çempionluğumuzu rəsmləşdirdikdən sonra rəhbər vəzifəsində olanların laqeydliyi davam etdi. İstər klub təsisçilərinə, istərsə sponsor səhimlərinə, istərsə də digərlərinə dəfələrlə dedim ki, əsas işimiz çempion olduqdan sonra başlayır. I Liqada tam peşəkar çempionatdır, burada bütün addımlarımızı ciddi atmalı, komandanı mövsümə tam hazır vəziyyətə gətirməli, tranferləri tezləşdirməli, əlimizin altında olan futbolçulardan kimləri saxlayacağıqsa yeni sözləşmə imzalamalı, yəni işləri sürətləndirməliyik. Əks halda toplanış gecikəcək, çempionata da istənilən səviyyədə hazırlaşa bilməyəcəyik. Amma bu dediklərimə məhəl qoyulmadı, əvəzində "gözləyin, xəbər edəcəyik" cavabını aldıq. Təkrar müraciətlərimə baxılmadı. Belə olduqda istefa ərizəmi yazıb getdim. Hazırda klubun vəziyyəti ürəkaçan deyil. Bu gedişlə komanda ya çempionata hazırlıqsız çıxacaq, ya da ümumiyyətlə peşəkar liqada çıxış etməyəcək".
Sabiq prezident Qusar şəhər stadionu barədə də maraqlı məlumatı diqqətimizə çatdırdı:
"Mənim vaxtımda maksimum çalışırdıq ki, Şövkət Orduxanov adına Qusar şəhər stadionu yeni mövsümə hazır vəziyyətə gətirilsin. Çempionatın əvvəlinə təmir işləri yekunlaşmasa da, oktyabra, ən geci noyabrda doğma meydanda oyunlarımızı keçirəcəkdik. Amma hazırkı rəhbərliyin yarıtmazlığına görə işlər getmədi. Artıq futbol məkanı Azərbaycan Respublikası Gənclər və İdman Nazirliyinin balansına keçdi. Bundan sonra stadionun təmir, yenidənqurma işlərini adı çəkilən nazirliyin dəstəyi ilə həyata keçiriləcək".
MİRZƏ S.
Şimal təmsilçisi bütün futbolçuları ilə yolları ayırıb. Komanda toplaşmayıb. Klubun gələcəyi bəlli deyil. Klub prezidenti Elçin Cananov postundan göndərilib. Bir sözlə, Qusar təmsilçisində işlər qaydasında deyil. Nə baş verir? Niyə belə oldu?
Suallarımızı klubun sabiq prezidenti Elçin Cananova ünvanladıq. Şimal təmilçisinin sabiq rəsmisi məsələ ilə bağlı Sport1.az-a açıqlamasında bunları söylədi:
"Məni yaxından tanıyanlar bilir ki, futbolu çox sevirəm. Məqsədim həmişə ölkə futboluna faydalı olmaq olub. Elə buna görə də "Şahdağ Qusar"a dəvət olundum ki, komandanın inkişafına təkan verənlərdən olum. Klub prezidenti postuna gətirilsəm də, həmişə futbolçularla iç-içə olmağa çalışmışam. Bu komandanın zirvələrə qalxması və çempionluğu üçün bütün bacarığımı, gücümü, enerjimi ortaya qoydum. Cibimdən pullar xərcləyib, kreditə belə girdim. İstəyirdim ki, Qusar təmsilçisi qarşıya qoyulan hədəfə çatsın, yəni çempion olaraq I Liqaya vəsiqəni təmin edək. Klubun təsisçisi və digər rəsmiləriylə fikir ayrılığı apreldən başladı. Bunun başlıca səbəbi hədsiz laqeydlik, peşəkarlaşma yolunda işlərdə lənglik və maneələr yaratmaları idi. Çempionluğumuzu rəsmləşdirdikdən sonra rəhbər vəzifəsində olanların laqeydliyi davam etdi. İstər klub təsisçilərinə, istərsə sponsor səhimlərinə, istərsə də digərlərinə dəfələrlə dedim ki, əsas işimiz çempion olduqdan sonra başlayır. I Liqada tam peşəkar çempionatdır, burada bütün addımlarımızı ciddi atmalı, komandanı mövsümə tam hazır vəziyyətə gətirməli, tranferləri tezləşdirməli, əlimizin altında olan futbolçulardan kimləri saxlayacağıqsa yeni sözləşmə imzalamalı, yəni işləri sürətləndirməliyik. Əks halda toplanış gecikəcək, çempionata da istənilən səviyyədə hazırlaşa bilməyəcəyik. Amma bu dediklərimə məhəl qoyulmadı, əvəzində "gözləyin, xəbər edəcəyik" cavabını aldıq. Təkrar müraciətlərimə baxılmadı. Belə olduqda istefa ərizəmi yazıb getdim. Hazırda klubun vəziyyəti ürəkaçan deyil. Bu gedişlə komanda ya çempionata hazırlıqsız çıxacaq, ya da ümumiyyətlə peşəkar liqada çıxış etməyəcək".
Sabiq prezident Qusar şəhər stadionu barədə də maraqlı məlumatı diqqətimizə çatdırdı:
"Mənim vaxtımda maksimum çalışırdıq ki, Şövkət Orduxanov adına Qusar şəhər stadionu yeni mövsümə hazır vəziyyətə gətirilsin. Çempionatın əvvəlinə təmir işləri yekunlaşmasa da, oktyabra, ən geci noyabrda doğma meydanda oyunlarımızı keçirəcəkdik. Amma hazırkı rəhbərliyin yarıtmazlığına görə işlər getmədi. Artıq futbol məkanı Azərbaycan Respublikası Gənclər və İdman Nazirliyinin balansına keçdi. Bundan sonra stadionun təmir, yenidənqurma işlərini adı çəkilən nazirliyin dəstəyi ilə həyata keçiriləcək".
MİRZƏ S.
Sport1.az
Oxşar xəbərlər
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.