Yazı / Manşet
17:12
22.04.2025
832
AFFA-nın İnkişafsız Strategiyası - KÖŞƏ
Dünən Kürdəxanıda "Turan Tovuz"un yeni bazasının açılışı oldu.
Standartlara cavab verən təbii örtüklü məşq meydançası istifadəyə verildi. Tədbirdə media nümayəndələri, millət vəkilləri, futbol veteranları iştirak etdi. Amma AFFA-dan kimsə yox idi. Əldə etdiyim məlumata görə, klub federasiya rəsmilərinə dəvət göndərib, amma ölkədə futbolun başbilənləri açılaşa təşrif buyurmağı lüzum görməyiblər. Bunu qoyaq kənara!
Dünən "Turan Tovuz"un İdarə Heyətinin sədri Ehtiram Quliyev jurnalistlərə açıqlamasında bildirdi ki, Tovuzdakı stadionun təmirini öz hesablarına edəcəklər:
“AFFA-nın Strategiya planından sonra başa düşdük və qərara gəldik ki, Tovuz şəhər stadionunu daxili imkanlarımız hesabına yeniləyək. Çox vaxtımız yoxdur. AFFA-nın görəcəyi işlər çoxdur. Əvvəllər milli assosiasiyaya belə müraciətimiz olmuşdu. Lakin sonradan qərara aldıq ki, bütün işləri öz imkanlarımız hesabına reallaşdıraq”.
Yəni, ölkə futbolunun inkişafı istiqamətində addımlar atmaq istəyən qurum infrastrukturunu daha da yaxşılaşdırmağa çalışan kluba dəstək olmur. Baxın, AFFA İnkişaf Strategiyasının əsas bəndlərindən biri klublarla bağlıdır. Guya ki, federasiya çalışacaq ki, millimiz FİFA reytinqində ən yaxşı halda 50-ci pillədə qərarlaşsın. Klublarımızın sayəsində də ölkəmiz UEFA reytinqində 20-ci sırada yer alsın. Guya ki, AFFA bunun baş verməsi üçün Premyer Liqa təmsilçilərinə maddi-texniki dəstək olacaq. Bəs, federasiya niyə "Turan Tovuz"a kömək olmur?
AFFA İnkişaf Strategiyasını əlində bayraq edərək vaxt qazanır. Amma konkret işlər görmür. Hesabat Konfransında baş katib Cahangir Fərəcullayev çıxışında bildirmişdi ki, bu gündən fəaliyyətə başlayacağıq. Niyə hansısa işlər görülmür? Fəaliyyətə başlanılıbsa, həftəlik və ya aylıq hesabatlar nə üçün ictimaiyyətə təqdim olunmur? Bunların hamısı işbilməzliyin nəticəsidir. İllik hesabatlarda klublarımızın avrokuboklardakı nəticələri uğur olaraq federasiyanın adına yazılır. İndi burada nəticələr əldə etmək istəyən "Turan Tovuz" niyə dəstək göstərilmir?
Heç olmasa, dəvət olunan tədbirə gəlin ki, sabah komanda avrokuboklarda nəticələr əldə edəndə yalandan da olsa, "AFFA-nın uğurlu strategiyasının nəticəsi öz bəhrəsini verdi", - deyə açıqlama verə biləsiniz. Yox eee, iş görmək istəyənlərə dəstək olmayacaqsınızsa, strategiyanın adı niyə inkişafdır ki? Bu hərəkətdən sonra federasiyanın layihəsinə belə ad vermək olar: "AFFA-nın İnkişafsız Strategiyası".
Ya da siz heç nəyə lazım deyilsiniz. Ehtiram Quliyev və digər iş adamlarına mane olmayın. Onlar öz hesablarına ölkə futbolunu formalaşdıracaqlar. Siz də İnkişaf Strategiyası nağıllarını danışmağa davam edin. "Ekosistem", "ekşn plan", dedlayn" kimi neologizmlərlə vaxt keçirin.
İLKİN SULTANLI
Standartlara cavab verən təbii örtüklü məşq meydançası istifadəyə verildi. Tədbirdə media nümayəndələri, millət vəkilləri, futbol veteranları iştirak etdi. Amma AFFA-dan kimsə yox idi. Əldə etdiyim məlumata görə, klub federasiya rəsmilərinə dəvət göndərib, amma ölkədə futbolun başbilənləri açılaşa təşrif buyurmağı lüzum görməyiblər. Bunu qoyaq kənara!
Dünən "Turan Tovuz"un İdarə Heyətinin sədri Ehtiram Quliyev jurnalistlərə açıqlamasında bildirdi ki, Tovuzdakı stadionun təmirini öz hesablarına edəcəklər:
“AFFA-nın Strategiya planından sonra başa düşdük və qərara gəldik ki, Tovuz şəhər stadionunu daxili imkanlarımız hesabına yeniləyək. Çox vaxtımız yoxdur. AFFA-nın görəcəyi işlər çoxdur. Əvvəllər milli assosiasiyaya belə müraciətimiz olmuşdu. Lakin sonradan qərara aldıq ki, bütün işləri öz imkanlarımız hesabına reallaşdıraq”.
Yəni, ölkə futbolunun inkişafı istiqamətində addımlar atmaq istəyən qurum infrastrukturunu daha da yaxşılaşdırmağa çalışan kluba dəstək olmur. Baxın, AFFA İnkişaf Strategiyasının əsas bəndlərindən biri klublarla bağlıdır. Guya ki, federasiya çalışacaq ki, millimiz FİFA reytinqində ən yaxşı halda 50-ci pillədə qərarlaşsın. Klublarımızın sayəsində də ölkəmiz UEFA reytinqində 20-ci sırada yer alsın. Guya ki, AFFA bunun baş verməsi üçün Premyer Liqa təmsilçilərinə maddi-texniki dəstək olacaq. Bəs, federasiya niyə "Turan Tovuz"a kömək olmur?
AFFA İnkişaf Strategiyasını əlində bayraq edərək vaxt qazanır. Amma konkret işlər görmür. Hesabat Konfransında baş katib Cahangir Fərəcullayev çıxışında bildirmişdi ki, bu gündən fəaliyyətə başlayacağıq. Niyə hansısa işlər görülmür? Fəaliyyətə başlanılıbsa, həftəlik və ya aylıq hesabatlar nə üçün ictimaiyyətə təqdim olunmur? Bunların hamısı işbilməzliyin nəticəsidir. İllik hesabatlarda klublarımızın avrokuboklardakı nəticələri uğur olaraq federasiyanın adına yazılır. İndi burada nəticələr əldə etmək istəyən "Turan Tovuz" niyə dəstək göstərilmir?
Heç olmasa, dəvət olunan tədbirə gəlin ki, sabah komanda avrokuboklarda nəticələr əldə edəndə yalandan da olsa, "AFFA-nın uğurlu strategiyasının nəticəsi öz bəhrəsini verdi", - deyə açıqlama verə biləsiniz. Yox eee, iş görmək istəyənlərə dəstək olmayacaqsınızsa, strategiyanın adı niyə inkişafdır ki? Bu hərəkətdən sonra federasiyanın layihəsinə belə ad vermək olar: "AFFA-nın İnkişafsız Strategiyası".
Ya da siz heç nəyə lazım deyilsiniz. Ehtiram Quliyev və digər iş adamlarına mane olmayın. Onlar öz hesablarına ölkə futbolunu formalaşdıracaqlar. Siz də İnkişaf Strategiyası nağıllarını danışmağa davam edin. "Ekosistem", "ekşn plan", dedlayn" kimi neologizmlərlə vaxt keçirin.
İLKİN SULTANLI
Sport1.az
Oxşar xəbərlər
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.