“Qızıl buts”un qalibi bəlli oldu

“Real”ın futbolçusu Kilian Mbappe 2024/2025 mövsümündə “Qızıl buts”un sahibi olub.

Sport1.az xəbər verir ki, 26 yaşlı hücumçu La Liqada debüt mövsümündə 31 qola imza atıb.

“Sportinq”in hücumçusu Viktor Qyökereş daha çox qol vursa da, Portuqaliya çempionatının əmsalı zəif olduğundan fransalı forvard birinci yeri tutub.

Mbappe Tyerri Anridən (2004/05) sonra “Qızıl buts”u alan ilk fransalı olub. “Real Madrid”də isə sonuncu dəfə bu mükafatı portuqaliyalı Kriştianu Ronaldu (2014/15) qazanıb.

Qeyd edək ki, “Qızıl buts” Avropa ölkələrində mövsümün ən məhsuldar futbolçusuna verilir.

2024/25 mövsümündə ən yüksək xal qazanan futbolçular bunlardır:

1. Kilian Mbappe (“Real”), 31 qol x 2 = 62 xal

2. Viktor Qyökereş (“Sportinq”), 39 x 1,5 = 58,5

3. Məhəmməd Salah (“Liverpul”), 29 x 2 = 58

4. Robert Levandovski (“Barselona”), 27 x 2 = 54

5. Harri Keyn (“Bavariya”), 26 x 2 = 52

Sport1.az