"Əllərimizi aşağı salıb ruhdan düşməyəcəyik" - Vasiliy Berezutski

Misli Premyer Liqasının 30-cu turunda "Turan Tovuz" "Sabah"a qalib gəldi - 2:1.

Sport1.az xəbər verir ki, oyundan sonra qonaqların çalışdırıcısı Vasiliy Berezutski mətbuat konfransında iştirak etdi.

Mütəxəssis qarşılaşma haqda fikirlərini səsləndirdikdən sonra jurnalistlərin suallarını cavablandırdı:

"Oyunu iki hissəyə bölə bilərik. Qırmızı vərəqəyə qədər olan hissə və "qırmızı"dan sonrakı hissə. Futbolçularıma təşəkkür edirəm. Sona qədər döyüşdülər. Amma əfsuslar olsun ki, hesabı bərabərləşdirə bilmədik".

- Hakimlik haqda fikriniz necədir? Qırmızı vərəqə oyunun nəticəsinə necə təsir etdi?
- Mənim üçün aydın olmayan, futbolla əlaqəsi olmayan qırmızı vərəqə idi. Biz hücuma davam edirdik. Hakim oyunu saxladı və Safrankoya qırmızı vərəqə verdi.

- Artıq "Sabah" üçün çempionatın əldən getdiyini demək olar?
- Əllərimizi aşağı salıb ruhdan düşməyəcəyik. Amma avrokuboklara vəsiqə qazanmaq baxımından kubok bizim üçün prioritetdir.

- Bu gün Kurban Berdiyevə meydanda uduzduz, yoxsa masada?
- Taktiki plandan nəsə danışmaq çox çətindir. Qırmızı vərəqədən sonra bu rəqibə qarşı oynamaq çətin idi. "Qırmızı"ya qədər hesabda öndə olan komanda biz idik.

- "Sabah"da qalsanız, bundan daha yaxşı oyun ortaya qoya biləcəksiz?
- Qısa deyirəm, əlbəttə.

Sport1.az