Azər Bağırov bu suala cavab verə bilmədi

Misli Premyer Liqasının 29-cu turunda "Sabah" "Kəpəz"ə məğlub oldu - 0:1.

Sport1.az xəbər verir ki, oyundan sonra qonaqların çalışdırıcısı Azər Bağırov mətbuat konfransında iştirak etdi.

Mütəxəssis görüş haqda fikirlərini səsləndirdikdən sonra jurnalistlərin suallarını cavablandırdı:

"Azarkeşlər çox sağ olsun, bizi dəstəklədilər. Maraqlı matç alındı. Qolumuzu vurub, arxaya çəkildik və istədiyimiz qələbəni qazandıq".

– Uda biləcəyiniz komandalara xal itirirsiz, amma güclüləri məğlub edirsiniz.
– Komandada təzyiq var. Özümüzə yaxın rəqiblərlə matçda itirməkdən qorxursan. Amma belə matçlarda daha rahat oluruq. Təzyiq elə-belə şey deyil. Güclü rəqiblərə qarşı daha rahat oynayırıq. Psixoloji söhbətlər edəcəyik. Futbolçuya itirməkdən yox, qazanmaqdan danışmalısan.

– “Səbail”lə fərqi 7-yə yüksəldiniz. Elitada qaldığınızı demək olar?
– Hələ xeyr. İndi bunu düşünmək yanlış olar. Mübarizə davam edir.

– Deyilənə görə, yeni gələcək rəhbərlik sizə əvəzləyici axtarması haqda söhbət gəzilir. Reallıq nə yerdədir?
– Cavablandıra biləcəyim sual deyil. Qarşımda hədəf var və ona çatmalıyam. Rəhbərliklə danışanda müsbət fikirlər var. Ümid edirəm ki, növbəti mövsümdə daha yaxşı “Kəpəz” görəcəyik.

– Şayiələr sizə necə təsir edir?
– İlk vaxtlar narahatlıq yarada bilər. Amma bu gün meydanda uşaqların mübarizəsini gördünüz. Ona görə bu söhbətlər boşdur.

Sport1.az