"Bir ağrı var və mənə də təsir edir" - Kurban Berdiyev

Misli Premyer Liqasının 28-ci turunda "Turan Tovuz" "Qarabağ"a 1:4 hesabı ilə məğlub oldu.

Sport1.az xəbər verir ki, oyundan sonra meydan sahiblərinin çalışdırıcısı Kurban Berdiyev mətbuat konfransında çıxış etdi.

Mütəxəssis qarşılaşma haqda fikirlərini səsləndirdikdən sonra jurnalistlərin suallarını cavablandırdı:

"Üçüncü qola qədər ümidimiz var idi. Amma 3-cü qoldan və "Qarabağ"ın əvəzetmələrindən sonra hər şey bitdi".

- Fərdi səhvlər nə vaxta qədər davam edəcək?
- Buna cavab verə bilməyəcəm

- "Qarabağ"a bu mövsüm ilk dəfə məğlub oldunuz. Əvvəlki oyunlarla müqayisədə bu gün nələri edə bilmədiz?
- Oyun intizamı istədiyimiz kimi deyildi. İstək həddindən artıq idi. Bu da müəyyən mənada oyunumuza mane oldu.

- Azarkeşləri ümidləndirəcək nəsə deyə bilərsiniz?
- Bir ağrı var və təbii ki, bu, mənə də təsir edir. Təəssüf ki, onları sevindirə bilmirik.

- Artıq rəqib baş məşqçilərin sizin oyun üslubunuzu çözdüyünü demək olar?
- Məsələ taktikada deyil, hər oyunda dəyişə bilər. Məsələ düzülüşdədir. Biz bunu hər oyunda yaxşı edə bilirdik. Bu gün edə bilmədik.

Sport1.az