"Bu oyunun məsuliyyətini dərk edirdik" - "Ordu"nun qolkiperi

"Ordu"nun qolkiperi Zeynal Əhmədzadənin Sport1.az-a müsahibəsi...

- I Liqanın son turunda "Qaradağ Lökbatan"ı səfərdə 1:0 hesabı ilə məğlub etdiniz. Oyunla bağlı fikirlərin maraqlıdır...
- Görüş çox çətin keçdi. Matçın gərgin olacağını əvvəlcədən bilirdik. Aşağı liqaya düşmə təhlükəmiz olduğuna üçün qələbə çox vacib idi. Şükürlər olsun, nəticədə 3 xal bizim oldu. Komandam adına çox sevincliyəm.

- Matçda hər iki tərəfdə çox gərgin və stressli idi. Səncə, bunun səbəbi nə idi?
- Hər iki tərəf 3 xalı qazanıb, elitada qalmaq uğrunda mübarizədə bir addım illərində olmaq istəyirdi. Bu kimi matçlarda belə gərginliklər normaldır.

- Görüşdə komandanın ən yaxşılarından biri də sən idin. Öz performansınla bağlı nə deyə bilərsən?
- Komanda olaraq qələbə üçün əlimizdən gələnin ən yaxşısını etdik. Bu oyunun məsuliyyətini dərk edirdik. Komandam üçün ən yaxşısını bacardığımı düşünürəm. Ümid edirəm qələbələrimiz növbəti oyunlarda da davam edəcək.

EMİN ZEYNALLI

Sport1.az