Yuri Matias "Neftçi"dən ayrılır? - ÖZÜ AÇIQLADI

"Neftçi"nin üzvü Yuri Matiasın Sport1.az-a müsahibəsi...

- "Sabah"la heç-heç etdiniz. Bu nəticə ilə kubokla vidalaşdınız. Matçla bağlı fikirlərin maraqlıdır...
- Bizim üçün, "Neftçi" ailəsi üçün ağırdır. Çətin keçən mövsümdən sonra Tanrı bizə şans verdi ki, bunu yaxşı mənada dəyərləndirərək azarkeşlərimizi sevindirək. Lakin məğlub olduq. Çox kədərliyəm. "Sabah"a qarşı yaxşı oyun göstərdik. Çox təmiz qol epizodlarımız olsa da, dəyərləndirə bilmədik...

- Hakimliklə bağlı nə deyə bilərsən?
- Bu kimi mövzular haqqında çox fikir bildirməyi xoşlamıram. Çünki bu kimi səbəblər məğlubiyyətimizə bəhanə olur. Amma hakim tərəfindən çox böyük təzyiqə məruz qalmışdıq. Mənə qarşı niyə belə rəftar edirlər? Heç anlamıram. Son ev oyunumuzda rəqib futbolçuya toxunmamağıma rəğmən sarı vərəqə aldım. Hər görüşdə komandam üçün əlimdən gələni etsəm də, bu kimi vəziyyətlər bəzən çox cansıxıcı olur.

- Növbəti mövsüm "Neftçi"də qalacaqsan, yoxsa səni başqa bir komandada izləyəcəyik?
- Bu mənim əlimdə olan bir şey deyil. Menecerlərim bu işlərə baxır. Deyəcəyim tək şey mövsümün sonuna qədər "Neftçi"nın uğuru üçün əlimdən gələni edəcəyəm. "Neftçi" Azərbaycan tarixinin ən güclü klubudur. İlk sualda da qeyd etmişdim. Tanrı bizə çox gözəl şans bəxş etmişdi, lakin alınmadı. Çox məyusam. Həm öz adıma, həm də yoldaşlarım adına. Çox istəyirdik ki, finala vəsiqə qazanan tərəf biz olaq. Azarkeşlərimiz həmişəmbizi dəstəkləyirlər. Komandam adıma azarkeşlərimizdən bu mövsüm üçün üzr istəyirəm...

EMİN ZEYNALLI

Sport1.az