"Neftçi"nin sabiq üzvü azərbaycanlı milyarderin oğlu ilə dalaşıb? - ÖZÜ AÇIQLADI

Rusiyanın "Ximki" klubunda çıxış edən "Neftçi"nin sabiq futbolçusu Reziuan Mirzov hazırkı komandasında dava etməsi ilə bağlı gündəmə gəlib.

Sport1.az xəbər verir ki, bu barədə iddanı "Sport-Ekspress" nəşri irəli sürüb.

Yarımmüdafiəçi paltardəyişmə otağında komanda yoldaşları arasında münaqişə olması ilə bağlı çıxan xəbəri təkzib edib.

Belə ki, İlya atası, "Ximki"nin investoru Tufan Sadıqovdan narazılığın olduğunu görərək onun müdafiəsinə qalxıb və belədə, mübahisə yaşanıb. Mirzov isə məsələ haqda bu cür danışıb:

"Bu xəbəri görəndə çox təəccübləndim. Bu cür hadisə baş verməyibsə, yazılanlara necə təəccüblənməyəsən? Cəfəngiyat yazıblar. Bu heç də doğru deyil. Bunu kim yazıbsa, nəyə görə uydurduğunu da izah etməlidir".

Qeyd edək ki, İlya Sadıqov da "Ximki"nin üzvüdür. Onun atası da Azərbaycandan olan Tufan Sadıqovdur.

Sport1.az