Premyer Liqa klubunun baş məşqçisi xəstəxanalıq oldu

İngiltərənin "Nyukasl" klubunun baş məşqçisi Eddi Hau xəstəxanaya yerləşdirilib.

Sport1.az xəbər verir ki, bu barədə Premyer Liqa təmsilçisinin mətbuat xidməti məlumat yayıb.

Mütəxəssis aprelin 13-də 32-ci turda "Mançester Yunayted"lə oyundan (4:1) əvvəl xəstəxanaya yerləşdirilib və ona pnevmoniya diaqnozu qoyulub.

O, xəstəliyi səbəbindən komandanın daha iki matçını buraxacaq. Haunun vəziyyəti sabitdir, lakin məşqçi komandanın növbəti iki oyununu - İngiltərə çempionatında "Kristal Pelas" və "Aston Villa" ilə matçı buraxmaq məcburiyyətində qalacaq. Bu oyunlar müvafiq olaraq, aprelin 16 və 19-da baş tutacaq. Komandanın baş məşqçisinin aprelin 26-da, "İpsviç"lə matçda ehtiyat oyunçular skamyasına qayıdacağı bildirilib.

"Nyukasl" hazırda 56 xalla Premyer Liqa cədvəlində dördüncü yerdədir.

Sport1.az