Misli Premyer Liqasının 32-ci turunda "Səbail" "Araz-Naxçıvan"la heç-heçə etdi - 1:1.Naxçıvan təmsilçisinin üzvü Miço Kuzmanoviç görüşlə bağlı fikirlərini
Sport1.az-a açıqladı:
"Asan oyun kimi görsənsə də, bizim üçün çox çətin keçdi. Rəqib liqada sonuncu olmasına rəğmən, yaxşı kollektivə sahibdir. Düşünürəm ki, ilk hissədə əlavə 1 qol vursaydıq, hər şeyi kökündən həll edə bilərdik. Oyun-oyun iləriyə doğru addımlayırıq. Önümüzdə daha 4 matç var. Hazırda fikrimizi tamamilə bu görüşlərə fokuslamışıq."Yarımmüdafiəçi gələn mövsüm avrokuboklara iştirak etmək istədiklərini bildirdi:
"Hələ nə isə demək üçün tez olsa da, ümidlərimiz böyükdür. Gələn mövsüm əsas hədəflərimizdən biri Avropada uğurlu olaraq Naxçıvanı gözəl təmsil etməkdir. Lakin bunun üçün də növbəti matçlarda qələbə qazanıb, özümüzü isbat etməliyik. Ümid edirəm son 4 oyun və gələn mövsüm hər şey bizim adımıza çox yaxşı olacaq."EMİN ZEYNALLI
Sport1.az