II Liqa / Manşet
13:54
15.08.2025
307
Stadion rəhbərliyi 1 oyun üçün bu klubdan 3500 manat tələb edib - AÇIQLAMA
Ötən mövsüm “Şimal” II Liqada bürünc medal qazandı.
Bu nəticə ilə Liqaya yüksəldi. Xaçmaz təmsilçisinin peşəkar liqaya hazırlığı necə gedir? Klub maliyyə problem yaşamır? Komanda ev oyunlarını harada keçirəcək? Suallarımızı xaçmazlıların prezidenti Qılman İbrahimova ünvanladıq. Klub rəhbəri mövzu ilə bağlı Sport1.az-a açıqlamasında bunları söylədi:
“Yeni yaranan, gənc klubuq. Peşəkar liqa təcrübəmiz yoxdur. Bu il bizim üçün yalnız I Liqada debüt yox, həm də yaxşı təcrübə olacağını düşünürəm. Təlim-məşq toplanışına başlamışıq. Qusarın Şirvanovka kəndində hazırlıq keçirik. Başlıca məqsədimiz I Liqada qalmaq olacaq. II Liqadakı heyətimizin özəyini saxlayacaq, əlavə 4-5 transfer həyata keçirəcəyik. İstər Region Liqasında, istərsə də II Liqada 24 futbolçudan 18-i xaçmazlı idi. Xaçmazlı yeniyetmələrin üzə çıxmasında maraqlıyıq. Xaçmazda futbola ac insanlar çoxdur. Məqsədimiz bölgəmizdə futbolu daha da populyarlaşdırmaq. “Şimal” olaraq gələcəkdə futbolçu ixrac edən donor klub olmağı hədəfləyirik. Ev oyunlarımıza gəlincə, çox istərdik ki, doğma Xaçmazımızda matçlarımızı keçirək. Amma rayonumuzun futbol məkanı I Liqanın şərtlərinə uyğun deyil. Stadionun təmiri və yenidənqurulması üçün 250-400 min manat vəsait lazımdır. Siyəzəndəki futbol məkanı da peşəkar liqanın şərtlərinə uyğun gəlmir. Bu qədər məbləği ödəmək üçün isə əlimizdə vəsait yoxdur. Ev qarşılaşmalarımız üçün əvvəldə Quba şəhər stadionu ilə danışıqlarımız olsa da, bu yöndə müsbət nəticə əldə edə bilmədik. Çünki stadion rəhbərliyi bir oyun üçün 3500 manat tələb etdi. Bizim isə büdcəmiz kasad olduğundan bu qədər pul sərf etmək istəmədik. Hazırda 3 stadionla danışıqlar aparırıq. Bunlar Şamaxı Olimpiya İdman Kompleksi, Binə qəsəbə stadionu və Bakıxanovdakı Nefçi bazadakı futbol məkanıdır. Səmimi deyim ki, bizə Şamaxıda oynamaq daha çox əlverişlidir. Amma hələlik hər 3 stadion rəhbərliyi ilə müzakirələr aparırıq”.
Klub rəhbəri sponsorlar axtarışı ilə bağlı məsələyə aydınlıq gətirdi:
“Həm Region Liqasında, həm də II Liqada mübarizə apararkən adını açıqlanmasını istəməyən kənd təssərüfatı şirkətinin rəhbəri bizə təmənnasız sponsorluq etdi. Amma artıq peşəkar liqaya yüksəldiyimizdən həmin kompaniya xərclərimizi qarşılaya bilmir. İndi də bacardığı qədər köməklik göstərir. FİF ilə də əməkdaşlığımız davam edir. Mütamadi olaraq sponsor axtarışları ilə bağlı müzakirələr aparırıq. Amma dayanıqlı maliyyə dəstəyimiz yoxdur. AFFA-ın ayırdığı vəsaitlə kifayətlənəcəyik. Gec-tez sponsor tapacağıma inanıram".
MİRZƏ S.
Bu nəticə ilə Liqaya yüksəldi. Xaçmaz təmsilçisinin peşəkar liqaya hazırlığı necə gedir? Klub maliyyə problem yaşamır? Komanda ev oyunlarını harada keçirəcək? Suallarımızı xaçmazlıların prezidenti Qılman İbrahimova ünvanladıq. Klub rəhbəri mövzu ilə bağlı Sport1.az-a açıqlamasında bunları söylədi:
“Yeni yaranan, gənc klubuq. Peşəkar liqa təcrübəmiz yoxdur. Bu il bizim üçün yalnız I Liqada debüt yox, həm də yaxşı təcrübə olacağını düşünürəm. Təlim-məşq toplanışına başlamışıq. Qusarın Şirvanovka kəndində hazırlıq keçirik. Başlıca məqsədimiz I Liqada qalmaq olacaq. II Liqadakı heyətimizin özəyini saxlayacaq, əlavə 4-5 transfer həyata keçirəcəyik. İstər Region Liqasında, istərsə də II Liqada 24 futbolçudan 18-i xaçmazlı idi. Xaçmazlı yeniyetmələrin üzə çıxmasında maraqlıyıq. Xaçmazda futbola ac insanlar çoxdur. Məqsədimiz bölgəmizdə futbolu daha da populyarlaşdırmaq. “Şimal” olaraq gələcəkdə futbolçu ixrac edən donor klub olmağı hədəfləyirik. Ev oyunlarımıza gəlincə, çox istərdik ki, doğma Xaçmazımızda matçlarımızı keçirək. Amma rayonumuzun futbol məkanı I Liqanın şərtlərinə uyğun deyil. Stadionun təmiri və yenidənqurulması üçün 250-400 min manat vəsait lazımdır. Siyəzəndəki futbol məkanı da peşəkar liqanın şərtlərinə uyğun gəlmir. Bu qədər məbləği ödəmək üçün isə əlimizdə vəsait yoxdur. Ev qarşılaşmalarımız üçün əvvəldə Quba şəhər stadionu ilə danışıqlarımız olsa da, bu yöndə müsbət nəticə əldə edə bilmədik. Çünki stadion rəhbərliyi bir oyun üçün 3500 manat tələb etdi. Bizim isə büdcəmiz kasad olduğundan bu qədər pul sərf etmək istəmədik. Hazırda 3 stadionla danışıqlar aparırıq. Bunlar Şamaxı Olimpiya İdman Kompleksi, Binə qəsəbə stadionu və Bakıxanovdakı Nefçi bazadakı futbol məkanıdır. Səmimi deyim ki, bizə Şamaxıda oynamaq daha çox əlverişlidir. Amma hələlik hər 3 stadion rəhbərliyi ilə müzakirələr aparırıq”.
Klub rəhbəri sponsorlar axtarışı ilə bağlı məsələyə aydınlıq gətirdi:
“Həm Region Liqasında, həm də II Liqada mübarizə apararkən adını açıqlanmasını istəməyən kənd təssərüfatı şirkətinin rəhbəri bizə təmənnasız sponsorluq etdi. Amma artıq peşəkar liqaya yüksəldiyimizdən həmin kompaniya xərclərimizi qarşılaya bilmir. İndi də bacardığı qədər köməklik göstərir. FİF ilə də əməkdaşlığımız davam edir. Mütamadi olaraq sponsor axtarışları ilə bağlı müzakirələr aparırıq. Amma dayanıqlı maliyyə dəstəyimiz yoxdur. AFFA-ın ayırdığı vəsaitlə kifayətlənəcəyik. Gec-tez sponsor tapacağıma inanıram".
MİRZƏ S.
Sport1.az
Oxşar xəbərlər
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.