Bəhlul Mustafazadə "Qəbələ"yə qayıdır? - Klub rəsmisi AÇIQLADI

“Qəbələ”nin idman direktoru Səbuhi Səfiyarlının Sport1.az-a müsahibəsi...

- “Qaradağ Lökbatan”ı 3:0 hesabı ilə məğlub edərək mövsümü qələbə ilə başa vurdunuz...
- Elitaya vəsiqəni və çempionluğu əvvəlcədən rəsmləşdirsək də, hər oyuna qalibiyyət üçün çıxırdıq. “Qaradağ Lökbatan” ilə qarşılaşmada da qalib gəlməklə mövsümü müsbət notlarla tamamladıq. Artıq növbət “futbol ili”nin hazırlıqlarını başlmalıyıq.

- İndiki heyətdən göndərilənlər çox olacaq?
- Komandanın böyük əksəriyyəti qalacaq. Onların sırasında öz akademiyamızın yetirmələri də var. Amma gücləndirməli olduğumuz mövqelər də var. O barədə düşünürük.

- Daxili, yoxsa xarici bazara üstünlük verəcəksiniz?
- Kompleks olaraq seleksiya işlərimiz davam edir. Daxili bazara da göz gəzdirmişik. Daha çox xaricdən futbolçu transfer etməyə maraqlıyıq. Daxili bazardan yerli-əcnəbi olmaqla maksimum iki oyunçu cəlb edə bilərik.

- Qəbələ akademiyasının bəzi təcrübəli yetirmələri, o cümlədən Bəhlul Mustafazadənin “qırmızı-qaralar”ın sırasında yer alacağı deyilir...
- Əlbəttə ki, klubumuzun yetirməsi olan futbolçuları sıralarımızda görmək xoş olar. Amma Bəhlul Mustafazadə siyahımızda yoxdur. Onun futbolçu kimi iddiaları, transfer dəyəri və s. bizim şərtlərimizlə üst-üstə düşmür. Bəhlul bizim maraqlandığımız oyunçular sırasında deyil. Bilmirəm bu söhbətləri kim ortaya atıb...

- Gələn mövsüm Premyer Liqada 12 komanda mübarizə aparacaq. Çempionatın daha da rəqabətli olacağını düşünürsüzmü?
- Hesab edirəm ki, gələn il daha gərgin və maraqlı güclülər dəstəsi görəcəyik

MİRZƏ S

Sport1.az