Ronaldoya görə vəzifəsini tərk edə bilər

Səudiyyə Ərəbistanının “Əl-Nəsr” komandası baş məşqçisi Stefano Pioli ilə vidalaşa bilər.


Sport1.az xəbər verir ki, bu barədə “Sportitalia” nəşri iddia irəli sürüb.

59 yaşlı mütəxəssis komandanın bəzi futbolçuları, xüsusən portuqaliyalı hücumçu Kriştiano Ronaldo ilə fikir ayrılığı yaşayıb. Bundan əlavə, onun işinə verilən qiymətə Səudiyyə Ərəbistanı çempionatındakı vəziyyət də təsir göstərir. 25 turdan sonra “Əl-Nəsr” 51 xalla turnir cədvəlində üçüncü yerdə qərarlaşıb.

Nəşrin məlumatına görə, Pioli İtaliyaya qayıda bilər. O, mövsümün sonunda Klaudio Ranyeri ilə yollarını ayıracaq “Roma”nın baş məşqçsi vəzifəsinə əsas namizədlərdən hesab olunur.

Pioli 2024-cü ilin payızından etibarən “Əl-Nəsr”i çalışdırır. O, daha əvvəl “Milan”, “Fiorentina”, “İnter”, “Latsio”, “Bolonya”, “Palermo” və digər klublarda da baş məşqçi kimi fəaliyyət göstərib.

Sport1.az