Yazı / Manşet
21:08
7.06.2025
212
İnkişaf Strategiyası yalanını alt-üst edən Fernandu Santuş - KÖŞƏ
12 iyun, 2024-cü il. Milli komanda ilə birgə Bakıya qayıtmaq üçün Avstriyanın Qrats şəhərindəki hava limanında gözləyirik. Birdən xəbər yayıldı ki, AFFA İcraiyyə Komitəsinin onlayn iclası keçirilib və Fernandu Santuş Azərbaycan millisinin baş məşqçisi təyin olunub.
"Yaşlı, əcnəbi mütəxəssis yığmamıza nə kimi fayda verə bilər ki?", - deyə düşündüm. Həm də 1 gün öncə Arif Əsədovun komandası geridönüş edərək Qazaxıstan üzərində 3:2 hesablı qələbə qazanmışdı. Onunla belə davranmağa gərək yox idi.
Bədbinlik yaratmamaq lazım idi. Bəlkə də hər şey yaxşı ola bilərdi. Amma olmadı.
Fernandu Santuşun təyinatı zamanı AFFA-nın rəsmi saytında belə məlumat yayınlanmışdı:
"Müzakirələr zamanı güclü, rəqabətədavamlı və uğurlu oyun nümayiş etdirən komandanın formalaşdırılmasının, eyni zamanda ölkəmizdə uşaq futbolunun inkişafının zəruriliyi qeyd olunub.
Bu xüsusda Fernandu Santuşun dünyanın tanınmış futbol mütəxəssislərindən biri kimi zəngin təcrübəsi, peşəkar fəaliyyəti dövründə qazandığı uğurlar, o cümlədən Portuqaliya yığması ilə Avropa çempionluğu nəzərə alınaraq, Azərbaycan yığmasının baş məşqçisi təyin olunması barədə qərar qəbul edilib.
Prosesin qısamüddətli deyil, müəyyən dövrü əhatə edəcəyi nəzərə alınaraq, portuqaliyalı mütəxəssisin qarşısında rəqabətədavamlı komandanın formalaşdırılması və AÇ-2028-in seçmə mərhələsində uğurlu çıxış məqsədi qoyulub".
Bu təyinatın 1 ilinin tamam olmasına 5 gün qalıb. Bu müddət ərzində qarşıya qoyulan məqsədlərin heç birinə çatılmayıb. Fernandu Santuş rəqabətədavamlı komanda formalaşdıra bilməyib. Uşaq futbolunun inkişafı ilə bağlı hansısa təklif irəli sürməyib. Millimiz uğurlu nədir ee, normal oyun nümayiş etdirə bilmir. Portuqaliyalı normal komanda yarada bilməyib.
Düz 1 ildir ki, yığmamız qələbəyə həsrətdir. Fernandu Santuşun rəhbərliyində 9 oyun keçirmişik. 7 qarşılaşmada məğlub olmuşuq, 2 heç-heçə etmişik. Artıq Estoniya, Latviya, Belarus kimi yığmalarla görüşdə qələbəyə ümid etmək bizim üçün xəyaldır.
AFFA İnkişaf Strategiyasında əsas hədəflərdən biri olaraq 2028-ci ilə kimi FIFA reytinqində ən yaxşı halda 50-ci pillədə qərarlaşmaq göstərilib. 1 ildir qələbə qazanmayan komanda bu tapşırağı necə icra edə bilər?
Görünən odur ki, AFFA rəhbərliyinin, İcraiyyə Komitəsinin Fernandu Santuşla bağlı qərarı yanlış idi. Onunla yola davam etmək özünü aldatmaqdır.
Ya da ki, AFFA rəhbərliyi İnkişaf Strategiyasını yalandan hazırlayıb. Onun ərsiyəyə gəlməsi üçün boşuna milyonlar xərcləyib. Yəqin ki, prezident Rövşən Nəcəf və vitse-prezident Sərxan Hacıyev Fernandu Santuşun səhv təyinatına hansısa don geyindirməyə çalışacaqlar. Amma bu dəfə mümkün deyil.
İLKİN SULTANLI
"Yaşlı, əcnəbi mütəxəssis yığmamıza nə kimi fayda verə bilər ki?", - deyə düşündüm. Həm də 1 gün öncə Arif Əsədovun komandası geridönüş edərək Qazaxıstan üzərində 3:2 hesablı qələbə qazanmışdı. Onunla belə davranmağa gərək yox idi.
Bədbinlik yaratmamaq lazım idi. Bəlkə də hər şey yaxşı ola bilərdi. Amma olmadı.
Fernandu Santuşun təyinatı zamanı AFFA-nın rəsmi saytında belə məlumat yayınlanmışdı:
"Müzakirələr zamanı güclü, rəqabətədavamlı və uğurlu oyun nümayiş etdirən komandanın formalaşdırılmasının, eyni zamanda ölkəmizdə uşaq futbolunun inkişafının zəruriliyi qeyd olunub.
Bu xüsusda Fernandu Santuşun dünyanın tanınmış futbol mütəxəssislərindən biri kimi zəngin təcrübəsi, peşəkar fəaliyyəti dövründə qazandığı uğurlar, o cümlədən Portuqaliya yığması ilə Avropa çempionluğu nəzərə alınaraq, Azərbaycan yığmasının baş məşqçisi təyin olunması barədə qərar qəbul edilib.
Prosesin qısamüddətli deyil, müəyyən dövrü əhatə edəcəyi nəzərə alınaraq, portuqaliyalı mütəxəssisin qarşısında rəqabətədavamlı komandanın formalaşdırılması və AÇ-2028-in seçmə mərhələsində uğurlu çıxış məqsədi qoyulub".
Bu təyinatın 1 ilinin tamam olmasına 5 gün qalıb. Bu müddət ərzində qarşıya qoyulan məqsədlərin heç birinə çatılmayıb. Fernandu Santuş rəqabətədavamlı komanda formalaşdıra bilməyib. Uşaq futbolunun inkişafı ilə bağlı hansısa təklif irəli sürməyib. Millimiz uğurlu nədir ee, normal oyun nümayiş etdirə bilmir. Portuqaliyalı normal komanda yarada bilməyib.
Düz 1 ildir ki, yığmamız qələbəyə həsrətdir. Fernandu Santuşun rəhbərliyində 9 oyun keçirmişik. 7 qarşılaşmada məğlub olmuşuq, 2 heç-heçə etmişik. Artıq Estoniya, Latviya, Belarus kimi yığmalarla görüşdə qələbəyə ümid etmək bizim üçün xəyaldır.
AFFA İnkişaf Strategiyasında əsas hədəflərdən biri olaraq 2028-ci ilə kimi FIFA reytinqində ən yaxşı halda 50-ci pillədə qərarlaşmaq göstərilib. 1 ildir qələbə qazanmayan komanda bu tapşırağı necə icra edə bilər?
Görünən odur ki, AFFA rəhbərliyinin, İcraiyyə Komitəsinin Fernandu Santuşla bağlı qərarı yanlış idi. Onunla yola davam etmək özünü aldatmaqdır.
Ya da ki, AFFA rəhbərliyi İnkişaf Strategiyasını yalandan hazırlayıb. Onun ərsiyəyə gəlməsi üçün boşuna milyonlar xərcləyib. Yəqin ki, prezident Rövşən Nəcəf və vitse-prezident Sərxan Hacıyev Fernandu Santuşun səhv təyinatına hansısa don geyindirməyə çalışacaqlar. Amma bu dəfə mümkün deyil.
İLKİN SULTANLI
Sport1.az
Oxşar xəbərlər
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.