Yazı / Manşet
23:34
2.04.2025
502
Rövşən Nəcəfin soyuq krallığı
2 aprel, 2024-cü il. AFFA-da prezident seçkiləri keçirilir.
Rövnəq Abdullayev çıxış edir və fikirlərini belə bitirir:
"Kral öldü, yaşasın yeni kral! İndi keçək seçkiyə".
Hamı bu fikri alqış və gülüşlə qarşılayır. 1 nəfərdən başqa. Söhbət AFFA-nın yeni prezidenti Rövşən Nəcəfdən gedir. Futbol sahəsinin yeni rəhbəri seçki bitən kimi bu fikirləri səsləndirir:
"Birincisi, mən kral deyiləm. Özümü kral hesab etmirəm. Heç vaxt kral hesab etməmişəm və etməyəcəm də. İcraiyyə Komitəsi və futbol böyük bir ailədir. Burada futbolu sevən insanların birlikdə çalışmağı vacibdir".
Həmin gündən 1 il keçib. Bu müddət ərzində AFFA-da nə dəyişiklik olub? Qurum inkişafla bağlı addım atıb? Qətiyyən! İndi deyiləcək ki, 7-8 ay müddətinə inkişaf strategiyası hazırlandı. Bu, işdir? Yox! Həmin strategiyada qeyd olunanları illərdi media, futbol ictimaiyyəti deyirdi. Buna görə xarici şirkətlərə külli miqdarda pul xərcləmək lazım deyildi.
Nəysə! Mövzumuz bu deyil. Rövşən Nəcəf rəqibi olmadığı seçkidə prezident olduğu gün dedi ki, mən kral deyiləm, olmamışam, olmayacam. Amma AFFA rəhbəri kimi fəaliyyətə başlayandan qısa müddət sonra dəyişdi. Kral kimi qərarlar verməyə başladı. Əvvəlcə "Neftçi"nin Kommunikasiya üzrə direktoru olan Aysu İbrahimli AFFA-da Marketinq Departamentinin rəhbəri təyin olundu. Əsl kral hərəkət idi. Təbii ki, Rövşən Nəcəf flaqmanda Müşahidə Şurasının sədri olanda gözlənilmədən vəzifəyə gətirilən xanımın assosiasiyaya gəlişi artıq gözlənilən idi. Kralların da taxtda çıxanda ilk gedişləri ən yaxınlarını öz ətrafına yığmaq olur.
Fernandu Santuş milliyə təyin olunanda yığma Macarıstandan təlim-məşq toplanışından qayıdırdı. Hava limanında olanda bildik ki, portuqaliyalı baş məşqçi təyin olunub. Bizimlə səfərdə olan AFFA rəsmiləri də şokda idi. Heç kim bu təyinatı gözləmirdi. Reaksiyalardan açıq-aydın bəlli olurdu ki, Santuş Rövşən Nəcəfin istəyi ilə baş məşqçi təyin olunub. AFFA prezidenti krallar kimi davranaraq yekun qərarı özü qəbul edib.
Uzun illər AFFA İcraiyyə Komitəsinin iclaslarından sonra jurnalistlər üzvləri sorğu-sual ediblər. Çünki əvvəlcədən toplantıların nə vaxt keçiriləcəyini bilirdik. Rövşən Nəcəf gələndən sonra cəmi 3 iclasın zamanı bəlli oldu. Bundan sonra, bütün toplantılar gizli keçirildi. Bunun səbəbi nədir? AFFA-nın əməkdaşlarından aldığım məlumata görə, qərarı Rövşən Nəcəf verib. Çünki media mənsublarının toplantıdan sonra qəliz suallar verməsini istəməyib. Çünki orada soruşulanlar AFFA rəhbərliyinə müxalif olanlara xeyir verirmiş.
Rövşən Nəcəf 1 ildir ki, AFFA prezidentidir. Bu müddət ərzində futbol barədə hansısa inkişaf yoxdur. Sadəcə, idmanın bu növünə ictimaiyyətdə soyuq münasibət formalaşıb. Bunun da səbəbi Rövşən Nəcəfin idarəetmə mexanizmidir. SOCAR rəhbəri özü üçün monarxiya yaradıb. Soyuq krallığını idarə edir.
İLKİN SULTANLI
Rövnəq Abdullayev çıxış edir və fikirlərini belə bitirir:
"Kral öldü, yaşasın yeni kral! İndi keçək seçkiyə".
Hamı bu fikri alqış və gülüşlə qarşılayır. 1 nəfərdən başqa. Söhbət AFFA-nın yeni prezidenti Rövşən Nəcəfdən gedir. Futbol sahəsinin yeni rəhbəri seçki bitən kimi bu fikirləri səsləndirir:
"Birincisi, mən kral deyiləm. Özümü kral hesab etmirəm. Heç vaxt kral hesab etməmişəm və etməyəcəm də. İcraiyyə Komitəsi və futbol böyük bir ailədir. Burada futbolu sevən insanların birlikdə çalışmağı vacibdir".
Həmin gündən 1 il keçib. Bu müddət ərzində AFFA-da nə dəyişiklik olub? Qurum inkişafla bağlı addım atıb? Qətiyyən! İndi deyiləcək ki, 7-8 ay müddətinə inkişaf strategiyası hazırlandı. Bu, işdir? Yox! Həmin strategiyada qeyd olunanları illərdi media, futbol ictimaiyyəti deyirdi. Buna görə xarici şirkətlərə külli miqdarda pul xərcləmək lazım deyildi.
Nəysə! Mövzumuz bu deyil. Rövşən Nəcəf rəqibi olmadığı seçkidə prezident olduğu gün dedi ki, mən kral deyiləm, olmamışam, olmayacam. Amma AFFA rəhbəri kimi fəaliyyətə başlayandan qısa müddət sonra dəyişdi. Kral kimi qərarlar verməyə başladı. Əvvəlcə "Neftçi"nin Kommunikasiya üzrə direktoru olan Aysu İbrahimli AFFA-da Marketinq Departamentinin rəhbəri təyin olundu. Əsl kral hərəkət idi. Təbii ki, Rövşən Nəcəf flaqmanda Müşahidə Şurasının sədri olanda gözlənilmədən vəzifəyə gətirilən xanımın assosiasiyaya gəlişi artıq gözlənilən idi. Kralların da taxtda çıxanda ilk gedişləri ən yaxınlarını öz ətrafına yığmaq olur.
Fernandu Santuş milliyə təyin olunanda yığma Macarıstandan təlim-məşq toplanışından qayıdırdı. Hava limanında olanda bildik ki, portuqaliyalı baş məşqçi təyin olunub. Bizimlə səfərdə olan AFFA rəsmiləri də şokda idi. Heç kim bu təyinatı gözləmirdi. Reaksiyalardan açıq-aydın bəlli olurdu ki, Santuş Rövşən Nəcəfin istəyi ilə baş məşqçi təyin olunub. AFFA prezidenti krallar kimi davranaraq yekun qərarı özü qəbul edib.
Uzun illər AFFA İcraiyyə Komitəsinin iclaslarından sonra jurnalistlər üzvləri sorğu-sual ediblər. Çünki əvvəlcədən toplantıların nə vaxt keçiriləcəyini bilirdik. Rövşən Nəcəf gələndən sonra cəmi 3 iclasın zamanı bəlli oldu. Bundan sonra, bütün toplantılar gizli keçirildi. Bunun səbəbi nədir? AFFA-nın əməkdaşlarından aldığım məlumata görə, qərarı Rövşən Nəcəf verib. Çünki media mənsublarının toplantıdan sonra qəliz suallar verməsini istəməyib. Çünki orada soruşulanlar AFFA rəhbərliyinə müxalif olanlara xeyir verirmiş.
Rövşən Nəcəf 1 ildir ki, AFFA prezidentidir. Bu müddət ərzində futbol barədə hansısa inkişaf yoxdur. Sadəcə, idmanın bu növünə ictimaiyyətdə soyuq münasibət formalaşıb. Bunun da səbəbi Rövşən Nəcəfin idarəetmə mexanizmidir. SOCAR rəhbəri özü üçün monarxiya yaradıb. Soyuq krallığını idarə edir.
İLKİN SULTANLI
Sport1.az
Oxşar xəbərlər
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.