Serxio Konseysaonun yeni iş yeri bilindi

Portuqaliyalı baş məşqçi Serxio Konseysao Səudiyyə Ərəbistanının “Əl-İttihad” klubuna keçə bilər.

Sport1.az xəbər verir ki, tərəflər arasında danışıqlar davam edir və portuqaliyalı mütəxəssis razılıq əldə olunacağı halda dərhal işə başlamağa hazırdır.

Konseysaonun son klubu İtaliyanın “Milan”ı olub. O, 2024-cü il dekabrın 30-da komandanın sükanı arxasına keçmiş, lakin 2025-ci il mayın 29-da vəzifəsindən uzaqlaşdırılmışdı.

Onun rəhbərliyi altında “Milan” 31 oyuna çıxaraq 16 qələbə qazanıb, 5 dəfə heç-heçə edib və 10 məğlubiyyət alıb. “Qırmızı-qaralar” mövsümü 63 xalla səkkizinci pillədə başa vurublar.

Portuqaliyalı mütəxəssisin rəhbərliyi dövründə “Milan” 2024/25 mövsümündə İtaliya Superkubokunun qalibi olub

Sport1.az