"Mançester Yunayted"in sabiq futbolçusu Cimmi Nikolson vəfat edib

Keçmiş futbolçu 82 yaşında dünyasını dəyişib.

Sport1.az xəbər verir ki, İngiltərə klubunun mətbuat xidməti “Mançester Yunayted”in sabiq yarımmüdafiəçisi Cimmi Nikolsonun vəfat etdiyini açıqlayıb. O, oktyabrın 4-də 82 yaşında dünyasını dəyişib.

Klubun rəsmi açıqlamasında deyilir:
“82 yaşında dünyasını dəyişən keçmiş oyunçumuz Cimmi Nikolsonu xatırlayırıq. Ailəsinə və dostlarına dərin hüznlə başsağlığı veririk.”


“Mançester Yunayted” akademiyasının yetirməsi olan Nikolson 1960–1964-cü illərdə klubun əsas heyətində çıxış edib. O, “qırmızı şeytanlar”ın formasını 68 dəfə geyinib və 6 qol vurub. Futbolçu karyerasının böyük hissəsini “Haddersfild Taun” klubunda keçirib, həmçinin Şimali İrlandiya millisində də oynayıb.

Sport1.az