"Qarabağ"ın yeni transferindən ilk açıqlama

"Qarabağ"ı Avropadakı çıxışlarına görə tanıyırdım".

Sport1.az xəbər verir ki, bu sözləri "Qarabağ"ın yeni transferi Pedro Bikalyo klubun mtəbuat xidmətinə açıqlamasında deyib.

Yarımmüdafiəçi təklif aldıqdan və danışıqlara başlayandan sonra dərhal Ağdam təmsilçisi ilə bağlı geniş araşdırma apardıqlarını söyləyib:

"Daha ətraflı məlumat topladıq. Şahidi olduğumuz mənzərə bizi çox sevindirdi. Öncədən klub barədə belə məlumatlı deyildik. "Qarabağ" regionun ən böyük klubudur, ölkə daxilində ardıcıl uğurlar əldə edir, avrokuboklarda yaddaqalan nəticələrə imza atır. Bu səbəbdən müsbət cavab verməkdə tərəddüd etmədim”.

Braziliyadan olan oyunçu hədəflərinə də toxunub:

“Mənim üçün yeni klub yeni çağırışdır. Komandaya tez uyğunlaşmağa və bir parçasına çevrilməyə çalısacam. Çempionlar Liqası həyəcanı yaşayacağım “Qarabağ”ın hədəflərinə çatmasında pay sahibi olmaq istəyirəm. Burada daha da inkişaf etmək imkanından yararlanacam. Böyük hədəfləri olan komandaya qoşulmuşam. Komandamızın yeni mövsümdə də hədəfləri eynidir. Məqsədimiz əvvəlki illərdə olduğu kimi, avrokuboklarda uğurlu nəticələr qazanmaq və ölkəni layiqincə təmsil etməkdir. Daxili yarışlarda da liderliyimizi qorumaq üçün çalışacağıq. Azərbaycanda futbolun inkişaf etdiyini bilirəm. Həm Avropada, həm də Premyer Liqa və kubokda güclü rəqiblərimiz olacaq. Azarkeşlərimizi növbəti titullarla sevindirmək üçün mübarizə aparacağıq".

Qeyd edək ki, "Qarabağ" Pedro ilə 3+1 illik müqavilə imzalayıb.

Sport1.az