PSJ lider olub, "Atletiko" mundialla vidalaşdı

Fransanın PSJ və Braziliyanın "Botafoqo" klubları Klublararası Dünya Çempionatının pley-off mərhələsinə yüksəlib.

Sport1.az xəbər verir ki, B qrupunun son turunda PSJ Amerika “Sietl”inə 2:0 hesabı ilə qalib gəlib, “Botafoqo” İspaniyanın “Atletiko”suna uduzub (0:1). PSJ-nin heyətində gürcü yarımmüdafiəçi Xviça Kvaratsxeliya qol vuraraq hesabı açıb. Rusiyalı qapıçı Matvey Safonov isə ehtiyatda qalıb.

PSJ, Botafoqo və Atletiko komandalarının hərəyə 6 xalı var. Bu komandalar arasında keçirilən görüşlərdə top fərqi sayəsində PSJ qrupda birinci, “Botafoqo” ikinci, “Atletiko” isə üçüncü yerdə qərarlaşıb.

Bundan əvvəl Almaniyanın “Bavariya”, Braziliyanın “Flamenqo”, İngiltərənin “Mançester Siti” və İtaliyanın “Yuventus” klubları 1/8 finala vəsiqəni təmin etmişdi. Pley-off mərhələsinin ilk oyunları iyunun 28-dən iyulun 1-dək keçiriləcək.

Klublararası dünya çempionatı iyunun 15-də başlayıb və iyulun 13-dək davam edəcək. Turnirdə 32 komanda mübarizə aparır. Hər qrupdan iki ən güclü komanda pley-off mərhələsinə yüksələcək.

Sport1.az