Luis Enrike birici hissəni niyə tribunadan izləyib?

PSJ-nin baş məşqçisi Luis Enrike UEFA Çempionlar Liqasının 1-ci turunda “Atalanta”ya qarşı 4:0 hesablı qələbəni şərh edib.

Sport1.az xəbər verir ki, o, bu haqda keçirdiyi mətbuat konfansında bildirib.

“Bizim məqsədimiz Çempionlar Liqasında bu mövsümə yaxşı başlamaq idi. “Atalanta”ya qarşı çox yaxşı oyun göstərdik və düşünürəm ki, bu qələbəyə layiq idik. İki il əvvəl başladığımız işi davam etdiririk. Hələ üzərində işləməli olduğumuz məqamlar var, amma komandamızın əzmkarlığı və qətiyyəti xoşuma gəldi. Çoxlu qol epizodları yaratdıq” - deyə o bildirib.

O, ilk hissəni niyə tribunadan izləməsi barədə də danışıb: “Çünki oyunu oradan daha yaxşı görmək olur. Futbolçuların təzyiqin öhdəsindən necə mükəmməl gəldiklərinə şahid oldum. Oradan həm rəqibin xarakterini, həm də təzyiqini analiz etmək daha rahatdır. İkinci hissədə onlar bir qədər fərqli şəkildə müdafiə olunurdular.

Top-8-ə düşmək? Əslində belə bir hədəf yoxdur, çünki bilirsiniz ki, bizim qrafik bütün digər komandaların qrafikindən xeyli fərqlidir. Beş oyunu udub birini heç-heçə oynamaq çətin olacaq, çünki ən ağır oyun təqvimi bizdədir”.

Çempionlar Liqasının ümumi mərhələsinin 2-ci turunda PSJ səfərdə “Barselona” ilə qarşılaşacaq, “Atalanta” isə evdə “Brügge”ni qəbul edəcək.

Sport1.az