Çempionlar Liqasında nəticələr: Əliyevin komandasından qələbə

Bu gün UEFA Çempionlar Liqasında 2025/2026 mövsümünə start verilib.

Sport1.az xəbər verir ki, I təsnifat mərhələsi çərçivəsində 10 matç keçirilib.

Mövsümün ilk görüşü Finlandiyada başlayıb. KuPS "Milsami"ni qəbul edib və 1:0 hesabı ilə qalib gəlib.

Azərbaycan millisinin futbolçusu Zamiq Əliyevin formasını geyindiyi Albaniya "Eqnatiya"sı isə İslandiya "Breydablik"i ilə mübarizə aparıb. Albanların 1:0 hesablı qələbəsi ilə başa çatan oyunda təmsilçimiz meydana çıxmaq şansı qazanmayıb. "Eqnatiya" 90+2-ci dəqiqədə fərqlənib.

"Malmö" və "Zrinski" səfərdə inamlı qələbə qazanaraq, mərhələ adlamaq üçün yaxşı şans qazanıblar.

Çempionlar Liqası
I təsnifat mərhələsi, ilk oyunlar

8 iyul
19:00. KuPS (Finlandiya) - "Milsami" (Moldova) - 1:0
20:00. "İberiya 1999" (Gürcüstan) - "Malmö" (İsveç) - 1:3
20:00. "Noa" (Ermənistan) - "Buduçnost" (Monteneqro) - 1:0
20:30. "Levadiya" (Estoniya) - RFŞ (Latviya) - 0:1
21:00. "Olimpiya" (Sloveniya) - "Kayrat" (Qazaxıstan) - 1:1
22:00. "Drita" (Kosovo) - "Differdanj" (Lüksemburq) - 1:0
22:00. TNS (Uels) - "Şkendiya" (Şimali Makedoniya) - 0:0
22:00. "Vikinqur" (Farer adaları) - "Linkoln" (Cəbəllütariq) - 2:3
23:00. "Eqnatiya" (Albaniya) - "Breydablik" (İslandiya) - 1:0
23:00. "Virtus" (San Marino) - "Zrinski" (Bosniya və Herseqovina) - 0:2

Qeyd edək ki, mərhələnin digər 4 oyunu iyulun 9-da olacaq. Həmin gün Azərbaycan çempionu “Qarabağ”ın potensial rəqibləri - "Şelburn"la (İrlandiya) "Linfild" (Şimali İrlandiya) də üz-üzə gələcək.

Sport1.az