Digər Liqalar
11:12
21.08.2025
36
Məşhur nigeriyalı forvard 39 yaşında vəfat etdi
Məşhur nigeriyalı futbolçu Razak Omotoyossi dünyasını dəyişib.
Sport1.az xəbər verir ki, nigeriyalı olsa da, Benin millisinin şərəfini qoruyan və onun əfsanəsinə çevrilən Otomoyossi 39 yaşında vəfat edib.
Onun ölüm səbəbi açıqlanmır.
1985-ci ildə Nigeriyanın Laqos şəhərində anadan olan Razak Omotoyossi karyerası doğma ölkəsində başlayıb və burada yerli "Sunshine Stars" klubunda çıxış edib. Ancaq gəncliyində ciddi sınaqla üzləşib. Nigeriya Futbol Federasiyası onu hakimə hücum etdiyi iddiası ilə 5 il müddətinə futboldan uzaqlaşdırılıb. Təslim olmayan Omotoyossi qonşu Beninə köçüb və bu ölkənin vətəndaşlığını alıb.
Avropaya yolu 2005-ci ildə Moldovanın "Şerif" klubu ilə açılıb. Məhz burada o, ilk dəfə beynəlxalq səhnədə iz qoyub. 2006-cı ilin iyulunda hücumçu Çempionlar Liqasında Moskvanın "Spartak"ı ilə matçın 92-ci dəqiqəsində həlledici qolu vurub və bu, karyerasında dönüş nöqtəsi olub. Bu qol nəticəsində avropalı skautların diqqətini cəlb edib. Bir il sonra İsveçin "Helsinborq" komandası ilə müqavilə imzalayıb və burada bombardirlik keyfiyyətlərini göstərib. 2007-ci il mövsümündə 23 matçda 14 qol vuran hücumçu çempionatın bombardiri olub. Onun uğuru 2007-08 UEFA Kubokunda da davam edib, burada o, 8 oyunda 6 qol vurub. Bu nailiyyətlər onu turnirin bombardirlərindən birinə çevirib və böyük klubların diqqətini çəkib. Omotoyossi 2008-ci ildə Səudiyyə Ərəbistanının “Əl-Nəsr” klubu ilə 3 milyon dollara müqavilə imzalayıb. Qısa müddətə qalmasına baxmayaraq, 9 matçda 4 qol vurmağı bacarıb. Daha sonra Fransanın "Mets" klubuna transfer olunub. Hücumçu Liqa 2 təmsilçisində 2009/10 mövsümündə çıxış etdikdən sonra yenidən İsveçə qayıdıb. Ardından Misirin "Zamalek" və Mərakeşin "Safi" komandalarında oynayan Razak 2019-cu ildə Beninin "Krake" klubu ilə müqavilə imzalayıb.
Beynəlxalq arenada Omotoyossi Benin millisinin əsl əfsanəsinə çevrilib. 2005-ci ildə Avstraliya ilə oyunda gənclər arasında dünya çempionatında Beninin ilk qolunun müəllifi olub. DÇ-2010-un seçmə mərhələsində hücumçu 8 qol vuraraq Samuel Etoo ilə birlikdə Afrikada ən yaxşı bombardirlərdən birinə çevrildi. Onun qolları Benin komandasına üçüncü təsnifat mərhələsinə yüksəlməyə kömək edib.
Sport1.az xəbər verir ki, nigeriyalı olsa da, Benin millisinin şərəfini qoruyan və onun əfsanəsinə çevrilən Otomoyossi 39 yaşında vəfat edib.
Onun ölüm səbəbi açıqlanmır.
1985-ci ildə Nigeriyanın Laqos şəhərində anadan olan Razak Omotoyossi karyerası doğma ölkəsində başlayıb və burada yerli "Sunshine Stars" klubunda çıxış edib. Ancaq gəncliyində ciddi sınaqla üzləşib. Nigeriya Futbol Federasiyası onu hakimə hücum etdiyi iddiası ilə 5 il müddətinə futboldan uzaqlaşdırılıb. Təslim olmayan Omotoyossi qonşu Beninə köçüb və bu ölkənin vətəndaşlığını alıb.
Avropaya yolu 2005-ci ildə Moldovanın "Şerif" klubu ilə açılıb. Məhz burada o, ilk dəfə beynəlxalq səhnədə iz qoyub. 2006-cı ilin iyulunda hücumçu Çempionlar Liqasında Moskvanın "Spartak"ı ilə matçın 92-ci dəqiqəsində həlledici qolu vurub və bu, karyerasında dönüş nöqtəsi olub. Bu qol nəticəsində avropalı skautların diqqətini cəlb edib. Bir il sonra İsveçin "Helsinborq" komandası ilə müqavilə imzalayıb və burada bombardirlik keyfiyyətlərini göstərib. 2007-ci il mövsümündə 23 matçda 14 qol vuran hücumçu çempionatın bombardiri olub. Onun uğuru 2007-08 UEFA Kubokunda da davam edib, burada o, 8 oyunda 6 qol vurub. Bu nailiyyətlər onu turnirin bombardirlərindən birinə çevirib və böyük klubların diqqətini çəkib. Omotoyossi 2008-ci ildə Səudiyyə Ərəbistanının “Əl-Nəsr” klubu ilə 3 milyon dollara müqavilə imzalayıb. Qısa müddətə qalmasına baxmayaraq, 9 matçda 4 qol vurmağı bacarıb. Daha sonra Fransanın "Mets" klubuna transfer olunub. Hücumçu Liqa 2 təmsilçisində 2009/10 mövsümündə çıxış etdikdən sonra yenidən İsveçə qayıdıb. Ardından Misirin "Zamalek" və Mərakeşin "Safi" komandalarında oynayan Razak 2019-cu ildə Beninin "Krake" klubu ilə müqavilə imzalayıb.
Beynəlxalq arenada Omotoyossi Benin millisinin əsl əfsanəsinə çevrilib. 2005-ci ildə Avstraliya ilə oyunda gənclər arasında dünya çempionatında Beninin ilk qolunun müəllifi olub. DÇ-2010-un seçmə mərhələsində hücumçu 8 qol vuraraq Samuel Etoo ilə birlikdə Afrikada ən yaxşı bombardirlərdən birinə çevrildi. Onun qolları Benin komandasına üçüncü təsnifat mərhələsinə yüksəlməyə kömək edib.
Sport1.az
Oxşar xəbərlər
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.