Futbol / Manşet
00:47
8.10.2025
237
Menecer Mahirə inanır: "Belə situasiyalardan çıxmağın yolunu yaxşı bilir"
Almaniyanın “Kayzerslautern” klubunun üzvü Mahir Emreli artıq 6 oyundur ki, komandanın iştirak ərzəsinə daxil edilmir.
Qeyri-rəsmi məlumatlara görə, hücumçu baş məşqçi ilə fikir ayrılığı yaşayır. Azərbaycanlı oyunçu legioner həyatında dəfələrlə eyni problemlə üzləşib.
Almaniyalı jurnalistlər qeyd edirlər ki, Mahir intizamsız futbolçudur. Bu səbəbdən də Torsten Libernext forvardı komandasında istəmir.
Görəsən, Mahirin problemi nədir? Futbolçumuz nə üçün "Kayzerslautern"də heyətə düşə bilmir? Sualımızı Emil Əsədova ünvanladıq. Tanınmış menecer mövzu ilə bağlı Sport1.az-a açıqlamasında bunları söylədi:
“Ümumiyyətlə, futbolçu ilə baş məşqçi arasında ünsiyyətin olması həm oyunçunun komandaya diqqətinin, həm də verdiyi önəmin göstəricisidir. Mahir Emreli ilə tanış olduğum üçün rahatlıqla deyə bilərəm ki, o, istedadlı və xarakterli biridir. Qələbə istəyi və meydanda daim maksimumu sərgiləmək arzusu bəzən məşqçilərlə fikir ayrılığına səbəb ola bilər. Bunu böhran kimi qiymətləndirmək doğru deyil. Çünki yüksək hədəfləri olan hər bir oyunçuda belə hallar rast gəlinir”.
Mütəxəssis Emrelinin bu problemi də həll edəcəyini bildirdi:
“Hazırkı durumla bağlı Mahirlə şəxsi söhbətim olmayıb. İnanıram ki, o, bu məsələnin öhdəsindən gələcək. Futbol tarixində ulduz oyunçular da oxşar səbəbdən eyni çətinliyi yaşayaraq sonradan vəziyyəti xeyirlərinə dəyişiblər. Futbolçumuz illərdir legioner həyatı yaşayır. Mahir belə situasiyalardan çıxmağın yolunu yaxşı bilir”.
HÜSEYN RƏŞADOĞLU
Qeyri-rəsmi məlumatlara görə, hücumçu baş məşqçi ilə fikir ayrılığı yaşayır. Azərbaycanlı oyunçu legioner həyatında dəfələrlə eyni problemlə üzləşib.
Almaniyalı jurnalistlər qeyd edirlər ki, Mahir intizamsız futbolçudur. Bu səbəbdən də Torsten Libernext forvardı komandasında istəmir.
Görəsən, Mahirin problemi nədir? Futbolçumuz nə üçün "Kayzerslautern"də heyətə düşə bilmir? Sualımızı Emil Əsədova ünvanladıq. Tanınmış menecer mövzu ilə bağlı Sport1.az-a açıqlamasında bunları söylədi:
“Ümumiyyətlə, futbolçu ilə baş məşqçi arasında ünsiyyətin olması həm oyunçunun komandaya diqqətinin, həm də verdiyi önəmin göstəricisidir. Mahir Emreli ilə tanış olduğum üçün rahatlıqla deyə bilərəm ki, o, istedadlı və xarakterli biridir. Qələbə istəyi və meydanda daim maksimumu sərgiləmək arzusu bəzən məşqçilərlə fikir ayrılığına səbəb ola bilər. Bunu böhran kimi qiymətləndirmək doğru deyil. Çünki yüksək hədəfləri olan hər bir oyunçuda belə hallar rast gəlinir”.
Mütəxəssis Emrelinin bu problemi də həll edəcəyini bildirdi:
“Hazırkı durumla bağlı Mahirlə şəxsi söhbətim olmayıb. İnanıram ki, o, bu məsələnin öhdəsindən gələcək. Futbol tarixində ulduz oyunçular da oxşar səbəbdən eyni çətinliyi yaşayaraq sonradan vəziyyəti xeyirlərinə dəyişiblər. Futbolçumuz illərdir legioner həyatı yaşayır. Mahir belə situasiyalardan çıxmağın yolunu yaxşı bilir”.
HÜSEYN RƏŞADOĞLU
Sport1.az
Oxşar xəbərlər
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.