"Qarabağ" dünya reytinqində gerilədi

Klubların iyun ayı üçün dünya reytinqi bəlli olub.

Sport1.az xəbər verir ki, Beynəlxalq Futbol Tarixi və Statistikaları Federasiyasının cədvəlində planetin 505 ən yaxşı komandası yer alıb.

Siyahıda Azərbaycanın da 4 klubu yer alıb. “Qarabağ” 144,75 xalla dünyada 119-cudur. Ölkə çempionumuz ötən ayla müqayisədə 5 pillə geriləyib.

“Zirə” 95,75 xalla 232-ci mövqedə qərarlaşıb və ötən reytinqlə müqayisədə 1 rəqibini qabaqlayıb.

50 pillə irəliləyən “Sabah” 76 xalla 317-cidir. Dünya reytinqində yer alan “Araz-Naxçıvan” 61,25 xalla 446-cıdır. Naxçıvan təmsilçisi 8 pillə önə keçib.

Qeyd edək ki, cədvələ 470 xalla “Real” (Madrid) başçılıq edir.

Sport1.az