Kaxa Kaladze idman ustası titulundan məhrum edildi

Ukraynanın Gənclər və İdman Nazirliyi Tiflisin meri Kaxa Kaladzeni beynəlxalq idman ustası titulundan məhrum edib.

Sport1.az xəbər verir ki, bu barədə məlumat qurumun rəsmi saytında yerləşdirilib.

Kaxa Karloviç Kaladze Gürcüstan millisinin sabiq müdafiəçisidir. Peşəkar futbolçu karyerasını bitirdikdən sonra siyasətə atıldı. Kaladze peşəkar futbolçu karyerasına 1993-cü ildə Tiflis “Dinamo”sunda başlayıb.

Burada beş il ərzində 82 oyun keçirib və beş dəfə Gürcüstan çempionatının qalibi olub.

1998-ci ildə Kiyev “Dinamo”suna keçib. Burada üç dəfə Ukrayna çempionu olub, həm də üç dəfə ölkə kubokunun qalibi olub. Kaxa 2001-ci ilə qədər "Dinamo"da 71 oyun keçirib. Daha sonra o, İtaliyanın "Milan"ı ilə müqavilə imzalayıb. 2010-cu ilin yayında Kaladze azad agent kimi "Genuya"ya keçdi. O, iki il ərzində 56 oyun keçirib və iki qol vurub. 2012-ci ilin may ayında Kaxa futboldan getdiyini elan edib.

Sport1.az