Bu şəhərin stadionu yenidən qurulacaq

Naxçıvan Muxtar Respublikasında idman infrastrukturunun yenilənməsi istiqamətində növbəti layihəyə start verilir.

Sport1.az xəbər verir ki, Muxtar Respublikanın Gənclər və İdman Nazirliyi Naxçıvan şəhərində yerləşən Muxtar Respublika Stadionunun əsaslı təmiri və yenidən qurulması üçün layihələndirmə xidmətlərinin satın alınması üzrə müsabiqə elan edib.

Dövlət satınalmaları portalında yerləşdirilən məlumata əsasən, layihənin ümumi dəyəri 718 min 690 manat məbləğində qiymətləndirilib.

Bu təşəbbüs, bölgədə idmanın inkişafına xidmət etməklə yanaşı, müasir və funksional stadion infrastrukturunun yaradılmasına yönəlib. Layihənin həyata keçirilməsi ilə, stadion həm idmançılar, həm də tamaşaçılar üçün daha əlverişli və beynəlxalq standartlara uyğun şərait təklif edəcək.

Hazırda tender mərhələsində olan layihə üzrə işlərə yaxın aylarda başlanacağı gözlənilir.

Sport1.az