Futbol / Manşet
15:21
26.05.2025
1 177
"Neftçi"dən növbəti saxtakarlıq: U-14 komandasında 16 yaşlı futbolçu - ARAŞDIRMA
Ölkə futbolunda qalmaqallı hadisələr səngimək bilmir.
Belə məsələlərdə "Neftçi"nin adının daha çox hallanması təəssüf doğurur. 28 milyon manat büdcə ilə əsas komanda avrokuboklara vəsiqə qazana bilmədi. Əvəzedicilər son turda çempionluğu əldən verdi. Gənclər Liqasında 33 turdan sonra komanda 4-cü pillədə qərarlaşıb. U-17-də liderdilər. U-16-da finala vəsiqə qazanıblar. Rəqibləri "Qarabağ"dır. U-15-də üçüncülük görüşündə "Qəbələ"yə məğlub oldular. U-14-də isə 1/4 finalda "Qarabağ"la üz-üzə gələcəklər.
Bu qədər büdcəsi olan klub üçün qeyd olunan nəticələr təbii ki, qənəatbəxş deyil. Hələ uğur əldə etmək üçün saxtakarlığa da əl atılır.
Redaksiyamıza "Neftçi" ilə bağlı ciddi məlumat daxil olub. U-14 komandası "lipa" futbolçu oynadıb. Söhbət Sultan Orucovdan gedir. Adı çəkilən oyunçunun 14 yox, 16 yaşı olduğu iddia edilir. Sən demə, gənc futbolçu U-14 Liqasının 1/8 finalında "Turan Tovuz"la ilk matçda meydana çıxıb, hətta qol vurub.
Oyunçunun "lipa" olduğu bilinəndən sonra, cavab qarşılaşmasında adı iştirak ərizəsinə salınmayıb. AFFA məsələ ilə bağlı araşdırmaya başlayıb. Bundan sonra, "Neftçi" rəhbərliyi oyunçu ilə bağlı məlumatları rəsmi saytdan silib. Mövsüm ərzində mütəmadi olaraq "Neftçi"nin heyətində meydana çıxan futbolçunun adı qısa müddətdə saytdan silinir.
Bu da Azərbaycan futbolunun əsl reallığı. 28 milyon manatdan çox büdcəsi olan klub saxtakarlığa da əl atsa da, uğur əldə edə bilmir.
Maraq üçün bildirək ki, AFFA-nın araşdırmasından sonra Sultan Orucovun 16 yaşı olduğu bəlli olsa, "Neftçi" U-14 Liqasından kənarlaşdırılacaq.
Məsələ ilə bağlı həm "Neftçi" rəhbərliyinin, həm də futbolçunun mövqeyini işıqlandırmağa hazırıq.
Belə məsələlərdə "Neftçi"nin adının daha çox hallanması təəssüf doğurur. 28 milyon manat büdcə ilə əsas komanda avrokuboklara vəsiqə qazana bilmədi. Əvəzedicilər son turda çempionluğu əldən verdi. Gənclər Liqasında 33 turdan sonra komanda 4-cü pillədə qərarlaşıb. U-17-də liderdilər. U-16-da finala vəsiqə qazanıblar. Rəqibləri "Qarabağ"dır. U-15-də üçüncülük görüşündə "Qəbələ"yə məğlub oldular. U-14-də isə 1/4 finalda "Qarabağ"la üz-üzə gələcəklər.
Bu qədər büdcəsi olan klub üçün qeyd olunan nəticələr təbii ki, qənəatbəxş deyil. Hələ uğur əldə etmək üçün saxtakarlığa da əl atılır.
Redaksiyamıza "Neftçi" ilə bağlı ciddi məlumat daxil olub. U-14 komandası "lipa" futbolçu oynadıb. Söhbət Sultan Orucovdan gedir. Adı çəkilən oyunçunun 14 yox, 16 yaşı olduğu iddia edilir. Sən demə, gənc futbolçu U-14 Liqasının 1/8 finalında "Turan Tovuz"la ilk matçda meydana çıxıb, hətta qol vurub.
Oyunçunun "lipa" olduğu bilinəndən sonra, cavab qarşılaşmasında adı iştirak ərizəsinə salınmayıb. AFFA məsələ ilə bağlı araşdırmaya başlayıb. Bundan sonra, "Neftçi" rəhbərliyi oyunçu ilə bağlı məlumatları rəsmi saytdan silib. Mövsüm ərzində mütəmadi olaraq "Neftçi"nin heyətində meydana çıxan futbolçunun adı qısa müddətdə saytdan silinir.
Bu da Azərbaycan futbolunun əsl reallığı. 28 milyon manatdan çox büdcəsi olan klub saxtakarlığa da əl atsa da, uğur əldə edə bilmir.
Maraq üçün bildirək ki, AFFA-nın araşdırmasından sonra Sultan Orucovun 16 yaşı olduğu bəlli olsa, "Neftçi" U-14 Liqasından kənarlaşdırılacaq.
Məsələ ilə bağlı həm "Neftçi" rəhbərliyinin, həm də futbolçunun mövqeyini işıqlandırmağa hazırıq.
Sport1.az
Oxşar xəbərlər
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.