Yeni transfer "Turan Tovuz"a problem yaratdı - ÖZƏL

Dünən "Turan Tovuz" rəsmi olaraq David Tavareşi transfer etdiyini açıqladı.

Sport1.az xəbər verir ki, Kabo-Verde millisinin üzvü ilə 3 illik müqavilə imzalanıb.

Bura kimi qeyri-adi heç nə yoxdur. Lakin yarımmüdafiəçinin forma seçimi problem yaradıb.

Bildiyiniz kimi, Qərb təmsilçisində "8" nömrə altında Tural Bayramlı çıxış edir. Klub isə azərbaycanlı ilə yolları ayırmayıb. Aqibəti bəlli olmayan futbolçu formasın da əlindən alınmasına qəzəblənərək vəkilə müraciət edib. Yarımmüdafiəçi klubdan izahat tələb edib.

Maraq üçün bildirək ki, bir neçə gün öncə "Turan Tovuz" futbolçudan müqavilənin qarşılıqlı ləğv olunması ilə bağlı müraciət edib. Lakin, yerli oyunçu bir mövsümlük maaşının hamısının verilməsini istəyib.

Klub belə olan halda yarımmüdafiəçinin təlim-məşq toplanışına aparılmayacağını, əvəzedici komandaya göndəriləcəyini bildirib.

Məsələ öz həllini tapmasa, Tural Bayramlı AFFA-nın Oyunçuların Statusu və Transferi Komitəsinə şikayət etməyi planlaşdırır.

Sport1.az