Futbol
20:35
9.06.2025
29
"Azərbaycan millisi yeni futbolçulardan qurulub" - Marko Rossi
Sabah yoxlama görüşündə Azərbaycan Macarıstanla qarşılaşacaq.
Sport1.az xəbər verir ki, bu gün oyundan öncə keçirilən mətbuat konfransında qonaqların çalışdırıcısı Marko Rossi iştirak edib.
Mütəxəssis görüş haqda bunları söyləyib:
“Azərbaycan millisi bizimlə oyunda qələbə qazanmaq istəyir. Onların son 5 oyunda 2, bizim isə 1 heç-heçəmiz var. Aydın məsələdir ki, onlar üzərlərinə düşəni etməyə çalışacaq”.
Rossi Azərbaycanla oyunda qapıçı seçimini etdiyini söyləyib:
“UEFA Millətlər Liqasında hər matç fərqli qapıçılarla oynayırdıq. Sabah əsas heyətdə Tot Balaş olacaq. Onu meydanda görmək istəyirik”.
O, Azərbaycan millisinin baş məşqçisi Fernandu Santuşla onun Portuqaliya yığmasının sükanı arxasında olduğu zamanları xatırladıb:
“O, ölkəsi ilə mühüm qələbələr qazanıb. Biz balaca komandada danışmırıq. Portuqaliya son 10 ilin ən yaxşılarındadır. Portuqallar Santuşla Avropa Çempionatını və ilk UEFA Millətlər Liqasını qazanıb”.
Marko Rossi Azərbaycanla oyunda taktiki dəyişikliklər edəcəyini vurğulayıb:
“Əsas heyətdə də dəyişiklik olacaq. Bunların hamısı öncədən planlaşdırmışdıq. Bu, İsveçə uduzmuşuq deyə olmayacaq. Keçən oyuna görə bəraət axtarmıram. Nəticə bizim əlehimizə olsa da, statistika biz tərəfdə idi. DÇ-2026-nın seçmə mərhələsinin 3 oyununda 0 xal toplamışıq. Nələri dəyişməli olduğumuza baxmalıyıq”.
Rossi 6 il öncə Azərbaycan yığması ilə indikini arasında çoxlu dəyişikliyin olduğunu deyib:
“Komandanız demək olar ki, yeni futbolçulardan qurulub. Yaxşı xatırlayıramsa, buradakı oyun çətin olmamışdı. Amma Macarıstanda çətinlik çəkdik. Orada ofsaydla bağlı müəmma da var idi. Biz top komanda deyilik. Heç bir rəqibə yuxarıdan aşağı baxmırıq. Sabah bizi çətin və önəmli matç gözləyir”.
Baş məşqçi sabah keçiriləcək oyunda topa sahib olmaq istədiklərini bildirib:
“Bizimlə DÇ-2026-nın seçmə mərhələsində eyni qrupda olan komandalara yaxınsınız. Topa daha çox sahib olmaq istəyirik. Bu, oyunun hakimi biz olacağıq anlamını verməsin. Amma bundan öncəki Türkiyə və İsveçlə görüşlərdə topa daha çox sahib olsaq da, istədiyimiz nəticəni əldə etmədik. Təəssüf ki, son 3 oyunda qol vura bilməmişik. Amma çoxlu qol epizodlarımız var idi”.
Sport1.az xəbər verir ki, bu gün oyundan öncə keçirilən mətbuat konfransında qonaqların çalışdırıcısı Marko Rossi iştirak edib.
Mütəxəssis görüş haqda bunları söyləyib:
“Azərbaycan millisi bizimlə oyunda qələbə qazanmaq istəyir. Onların son 5 oyunda 2, bizim isə 1 heç-heçəmiz var. Aydın məsələdir ki, onlar üzərlərinə düşəni etməyə çalışacaq”.
Rossi Azərbaycanla oyunda qapıçı seçimini etdiyini söyləyib:
“UEFA Millətlər Liqasında hər matç fərqli qapıçılarla oynayırdıq. Sabah əsas heyətdə Tot Balaş olacaq. Onu meydanda görmək istəyirik”.
O, Azərbaycan millisinin baş məşqçisi Fernandu Santuşla onun Portuqaliya yığmasının sükanı arxasında olduğu zamanları xatırladıb:
“O, ölkəsi ilə mühüm qələbələr qazanıb. Biz balaca komandada danışmırıq. Portuqaliya son 10 ilin ən yaxşılarındadır. Portuqallar Santuşla Avropa Çempionatını və ilk UEFA Millətlər Liqasını qazanıb”.
Marko Rossi Azərbaycanla oyunda taktiki dəyişikliklər edəcəyini vurğulayıb:
“Əsas heyətdə də dəyişiklik olacaq. Bunların hamısı öncədən planlaşdırmışdıq. Bu, İsveçə uduzmuşuq deyə olmayacaq. Keçən oyuna görə bəraət axtarmıram. Nəticə bizim əlehimizə olsa da, statistika biz tərəfdə idi. DÇ-2026-nın seçmə mərhələsinin 3 oyununda 0 xal toplamışıq. Nələri dəyişməli olduğumuza baxmalıyıq”.
Rossi 6 il öncə Azərbaycan yığması ilə indikini arasında çoxlu dəyişikliyin olduğunu deyib:
“Komandanız demək olar ki, yeni futbolçulardan qurulub. Yaxşı xatırlayıramsa, buradakı oyun çətin olmamışdı. Amma Macarıstanda çətinlik çəkdik. Orada ofsaydla bağlı müəmma da var idi. Biz top komanda deyilik. Heç bir rəqibə yuxarıdan aşağı baxmırıq. Sabah bizi çətin və önəmli matç gözləyir”.
Baş məşqçi sabah keçiriləcək oyunda topa sahib olmaq istədiklərini bildirib:
“Bizimlə DÇ-2026-nın seçmə mərhələsində eyni qrupda olan komandalara yaxınsınız. Topa daha çox sahib olmaq istəyirik. Bu, oyunun hakimi biz olacağıq anlamını verməsin. Amma bundan öncəki Türkiyə və İsveçlə görüşlərdə topa daha çox sahib olsaq da, istədiyimiz nəticəni əldə etmədik. Təəssüf ki, son 3 oyunda qol vura bilməmişik. Amma çoxlu qol epizodlarımız var idi”.
Sport1.az
Oxşar xəbərlər
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.