Xorvatiyalı sabiq futbolçu qəzada öldü

"Monako"nun və Xorvatiya millisinin sabiq yarımmüdafiəçisi Nikola Pokrivaç yol qəzasında dünyasını dəyişib.

Sport1.az xəbər verir ki, bu barədə Xorvatiya Futbol Assosiasiyasının rəsmi saytı məlumat yayıb.

Qəza cümə günü Karlovakda dörd minik avtomobilinin toqquşması nəticəsində baş verib. Pokrivaç da daxil olmaqla iki nəfər ölüb, daha üç nəfər xəstəxanaya aparılıb. Pokrivač Xorvatiyanın aşağı divizionunda çıxış edən "Vojniç"in məşqindən qayıdanda həyatını itirib.

Qeyd edək ki, 39 yaşlı veteran futbolçu karyerası ərzində "Monako" ilə yanaşı, Zaqreb "Dinamo"su, "Red Bull", "Riyeka" kimi klubların şərəfini qoruyub. O, 2014/15 mövsümündə Qazaxıstanda Karaqanda "Şaxtyor"unun uğurları üçün tər töküb

Sport1.az