"Sabah"ın baş məşqçisi: "Heç bir qol plana daxil deyil"

"Sabah" "Sele" ilə ilk oyundan dərs çıxaracaq.

Sport1.az xəbər verir ki, bunu "Sabah"ın baş məşqçisi Valdas Dambrauskas “Sele”yə (Sloveniya) qarşı keçirdikləri UEFA Avropa Liqası matçından sonra mətbuat konfransında deyib.

Mütəxəssis bunları söyləyib:

"Sele"ni təbrik etmək istəyirəm və azarkeşlərə təşəkkürümü bildirirəm. Əfsuslar olsun ki məğlub olduq. Bu oyundan dərslər çıxarmalı və daha yaxşı çıxış etməliyik. Rəqib haqqında az informasiyamız vardı. Çox yaxşı komandaya qarşı çıxış etdik. Bilirdik ki asmalardan istifadə edəcəklər. Təəssüf ki qol vəziyyətlərindən istifadə edə bilmədik. Bəzən tələskənlik xeyrimizə olmadı. Bu gün döyüşü uduzduq. Amma müharibəni uduzmamışaq. Sloveniyada əlimizdən gələni edəcəyik. Bu matçdan dərs çıxaracağıq".

Mütəxəssis rəqib baş məşqçinin bu oyunda "Sabah"dan daha güclü olması fikri ilə razılaşmayıb:

"Hər məşqçinin öz fikri var. Düzdür ilk görüşdə qələbə qazanıblar. Amma qarşıda ikinci görüş var. Gəlin həmin oyundan sonra bu suala cavab verək".

O buraxılan erkən qolla bağlı danışıb:

"Ümumiyyətlə heç bir qol plana daxil deyil. Bəzən belə alınır. Bizim də qol vəziyyətlərimiz oldu. Qapı tirinə dəyən topumuzi xatırlayıram. Amma məşqçilər korpusu olaraq öz pıanlarımıza uyğun hazırlaşacağıq".

Qeyd edək ki, komandalar arasında cavab görüşü iyulun 17-də Sloveniyada keçiriləcək.