AFFA PFL-in bu səlahiyyətini əlindən aldı - ÖZƏL

Sabah Misli Premyer Liqasında 2026/27 mövsümünə start veriləcək.

Deyəsən, ötən "futbol ili"nin sonlarında buzlaşan AFFA – PFL münasibətləri hələ də əriməyib.

Büdcə problemləri səbəbindən PFL-in 4 ildir ki, bölgələrdəki matçların işıqlandırılması üçün reallaşdırdığı jurnalistlərin region layihəsi bu mövsüm olmayacaq. "Misli"nin sponsorluq məsələsi də yalnız starta bir neçə gün qalmış təsdiqləndi. 

Sport1.az qurumlar arasında yaşanan növbəti problemlə bağlı informasiya daxil olub.  AFFA-nın binasında nümayəndələrlə iclas keçirilib və bildirilib ki, onlara nəzarət PFL-dən alınaraq federasiyaya verilib. Bu mövsümdən etibarən təyinat məsələlərinə Hakimlər Departamentinin rəhbəri Bəhruz Teymurov nəzarət edəcək. 

Adı çəkilən şəxs artıq fəaliyyətə başlayıb. Bəhruz bəy özünə yaxın yeni şəxsləri də nümayəndə kimi qeydiyyatdan keçirmək üzrədir. AFFA-da koordinasiya işləri ilə məşğul olan İqbal Aslanov da tezliklə oyunlara təyinat alacaq. Bundan əlavə, Aslanov nümayəndələrlə iclasda da əsas tapşırıqları verən şəxs qismində çıxış edib.