“Bavariya”ya keçir

PSV-nin futbolçusu İsmael Saibari karyerasını "Bavariya"da davam etdirəcək.

Sport1.az xəbər verir ki, bu haqda "Foot Mercato" məlumat yayıb.

Münhen klubu 25 yaşlı mərakeşli hücumçunun transferi ilə bağlı razılığa gəlib.

Saibari bu mövsüm Erediviziyada parlaq bir mövsüm keçirib, 37 oyunda 19 qol vurub və 9 məhsuldar ötürmə edib. Onun çıxışları ona Niderland liqasının ən yaxşı oyunçusu adını qazandırıb, Avropanın ən yaxşı klublarının diqqətini cəlb edib.

Futbolçuya maraq Braziliya ilə matçda vurduğu qoldan sonra artıb. Bir neçə gün əvvəl "Bavariya" konkret transfer təklifi verib və artıq oyunçu ilə 2031-ci ilə qədər müqavilə razılaşdırılıb.

Daha sonra klublar transferlə bağlı şifahi razılığa gəliblər. Müqavilənin yekunlaşdırılması yaxın günlərdə ABŞ-da keçirilməsi planlaşdırılan tibbi müayinədən sonra gözlənilir.