"Bir məğlubiyyət bizim üçün böyük problem deyil" - Aleksa Yankoviç

"Konkret nəsə demək çətindir. Mən hər zaman əlimdən gələni etməyə çalışıram. Meydana çıxanda maksimumu vermək istəyirəm. Oyunun gedişini dəyişə bilirəmsə, bunu edirəm, alınmırsa, bu futbolun bir hissəsidir".

Bu sözləri Sport1.az-a açıqlamasında "Sumqayıt"ın üzvü Aleksa Yankoviç dedi. Yarımmüdafiəçi "Karvan-Yevlax"la görüşdə qalib gəlmək istədiklərini bildirdi:

"Məncə, oyun çətin olmayacaq. Bu vəziyyət bizim üçün yeni deyil. Dəfələrlə olub ki, bir oyunda uduzmuşuq, amma sonra ardıcıl iki və ya üç qələbə qazanmışıq. Bir məğlubiyyət bizim üçün böyük problem deyil. Biz növbəti oyuna köklənəcəyik və yaxşı hazırlaşacağıq".

MƏHƏMMƏD HÜSEYNOV