Dünya ulduzu “Qarabağ”da çıxış edə bilərmiş – İDDİA
“Liverpul”un əsas ulduzlarından sayılan Məhəmməd Salahın adı vaxtilə “Qarabağ”la hallanıbmış.
Sport1.az xəbər verir ki, bu məlumatı sosial şəbəkə istifadəçisi Rüfət Babazadə paylaşıb. Onun sözlərinə görə, söhbət 2013/14 mövsümündən gedir. Həmin vaxt İsveçrənin “Bazel” klubunda çıxış edən misirli futbolçu Ağdam təmsilçisinə tövsiyə edilib. Lakin o dönəm “Qarabağ” bu keçidlə bağlı razılıq verməyib.
Salah daha sonra “Bazel”də qalaraq uğurlu çıxışı ilə diqqət çəkib. Futbolçu Çempionlar Liqasında “Roma”nın heyətində “Bayer Leverkuzen”, BATE və “Real Madrid”ə qarşı matçlarda parlaq performans göstərib.
Bu yüksəliş onun karyerasında dönüş nöqtəsinə çevrilib və nəticədə 2017/18 mövsümündə “Liverpul”a transfer reallaşıb.
Qeyd edək ki, “Liverpul” bu gecə UEFA Çempionlar Liqasının Liqa mərhələsinin 8-ci turunda “Qarabağ”ı qəbul edəcək. Qarşılaşma Bakı vaxtı ilə saat 00:00-da start götürəcək.
