Noyer Kanın rekorduna doğru

“Bavariya”nın qapıçısı Manuel Noyer Bundesliqada ən çox oyun keçirən qolkiperlər siyahısında ikinci pilləyə yüksəlib.

Sport1.az Opta-ya istinadən xəbər verir ki, Münhen təmsilçisinin “Sankt-Pauli” ilə Bundesliqanın 12-ci turundakı matçı təcrübəli “çərçivə qoruyucusu”nun Almaniya çempionatında 534-cü qarşılaşması olub. Bununla da o, vaxtilə “Borussiya” (Dortmund) və “Ştutqart”ın formasını geyinmiş Ayke İmmellə bərabərlik əldə edib.

Siyahının lideri isə 557 oyunla Oliver Kandır.

Qeyd edək ki, Manuel Noyer 2011-ci ildən “Bavariya”da çıxış edir. Bu müddətdə o, 12 dəfə Almaniya çempionu, 5 dəfə ölkə kubokunun, 8 dəfə isə Superkubokun qalibi olub. Təcrübəli qapıçı həmçinin Çempionlar Liqasını iki dəfə qazanıb.