“Qarabağ”ın ulduzu ÇL-də bu göstəricidə 4-cü oldu – FOTO

“Qarabağ”ın futbolçusu Abdullah Zubir Çempionlar Liqasının 2025/26 mövsümündə qol vuran ən yaşlı futbolçular siyahısına düşüb.

Sport1.az xəbər verir ki, “Transfermarkt”ın açıqladığı siyahıda fransalı vinger 4-cü pillədə yer alıb. Zubir 33 yaş 9 aylıq ikən bu uğura imza atıb.

Təcrübəli futbolçu göstərilən nəticəni Çempionlar Liqasının Liqa mərhələsinin 2-ci turunda “Kopenhagen”ə qarşı Bakıda keçirilmiş oyunda əldə edib. Həmin görüşdə Zubir 28-ci dəqiqədə hesabı açaraq “Qarabağ”ın 2:0 hesablı qələbəsinə töhfə vermişdi.

Siyahının lideri 36 yaş 5 aylıq Pyer-Emerik Obameyanqdır (“Marsel”). Ardınca Antuan Qrizmann (“Atletiko”, 34 yaş 6 ay) və Vircil van Deyk (“Liverpul”, 34 yaş 3 ay) gəlirlər.