UEFA "Qarabağ"ı cəzalandırdı

UEFA “Qarabağ”ın U-19 komandası ilə bağlı intizam qərarı çıxarıb.

Sport1.az xəbər verir ki, qurum Ağdam təmsilçisini UEFA Gənclər Liqasının IV turunda “Çelsi”yə qarşı Bakıda keçirilən oyun zamanı baş verənlərə görə sanksiyaya məruz qoyub.

UEFA-nın açıqlamasına əsasən, qarşılaşmada “Qarabağ”ın azarkeşləri rəqib futbolçuya qarşı irqçi ifadələr səsləndirib. Bu səbəbdən klub 5000 avro məbləğində cərimə olunub.

Bundan başqa, “köhlən atlar” növbəti ev oyununu azarkeşsiz keçirməklə bağlı şərti cəza alıb. Əgər bu müddətdə azarkeşlər tərəfindən yenidən irqçi hərəkətlər qeydə alınsa, cəza avtomatik qüvvəyə minəcək.