“Yamal Kukurelyanın cibində idi”

“Çelsi”nin qapıçısı Robert Sançes Çempionlar Liqasının Liqa mərhələsinin 5-ci turunda “Barselona” üzərində qazanılan 3:0 hesablı qələbəni dəyərləndirib.

Sport1.az xəbər verir ki, ispaniyalı qolkiper “Marca”ya açıqlamasında komanda yoldaşı Mark Kukurelyanın Lamin Yamala qarşı oyununu yüksək qiymətləndirib:

“Mark onun qarşısını tam bağladı, Yamal sözün əsl mənasında Kukurelyanın cibində idi. Onların hamısı əla görünür, ta ki Premyer Liqa komandasına qarşı oynayana qədər. “Barselona” Çempionlar Liqasının favoritidir? Xeyr, favorit bizik”.

Qeyd edək ki, qarşılaşma “Stamford Bric”də baş tutub və “Çelsi”nin 3:0 hesablı qələbəsi ilə nəticələnib.