"Qarabağ" Neapolda tarix yaza biləcək? - MÜTƏXƏSSİS ŞƏRHİ
UEFA Çempionlar Liqasının əsas mərhələsinin V turunda Azərbaycan təmsilçisi "Qarabağ" səfərdə "Napoli" ilə qarşılaşacaq.
Görəsən, təmsilçimiz çətin Neapol səfərindən uğurlu nəticə ilə qayıda biləcək?
Sualımızı Fərid Namazova ünvanladıq. Futbol mütəxəssisi görüşlə bağlı gözləntilərini Sport1.az-a açıqladı:
"Çətin oyun olacaq. "Napoli" öz meydanında sürətli oynayır. Səfərdə tam fərqli, evdə isə tamam ayrı oyun göstərir. Nə qədər ağır matç keçəcəyini düşünsəm də, hər zamankı kimi təmsilçimizə ümidliyəm. Ağdam təmsilçisi bundan da çətin rəqiblərə qarşı çıxış edib və xal ala bilib. Ümid edirəm ki, "köhlən atlar" ən azı heç-heçə ilə qayıda bilər. Xal qazanmaq bizim üçün çox vacibdir. Maraqlı oyun keçəcək. Matçın bəlli vaxtlarında təzyiq qaldıra bilsək, düşünürəm ki, qənaətbəxş nəticə ala bilərik".
MİKAYIL HACIYEV
