“Qarabağ”ın “Napoli” planı
Bu gün “Qarabağ” UEFA Çempionlar Liqasının əsas mərhələsinin 5-ci turunda səfərdə “Napoli”nin qonağı olacaq.
Sport1.az Ağdam təmsilçisinin təxmini “11-liy”ini təqdim edir. “Köhlən atlar”ın meydanda ənənəvi 4-5-1 düzülüşü ilə çıxış edəcəyi gözlənilir. Qurban Qurbanov qapı xəttini Mateuş Koxalskiyə həvalə edəcək.
Müdafiənin sol cinahında Elvin Cəfərquliyev, mərkəzdə Bəhlul Mustafazadə – Kevin Medina cütlüyü, sağda isə Mateus Silva yer alacaq.
Yarımmüdafiədə dayaq rolunda Pedro Bikalyo çıxış edəcək. Oyun qurucusu funksiyası Marko Yankoviçə tapşırılacaq. Cinahlarda Abdulla Zubir (sol) və Leandro Andrade (sağ) oynayacaq. Zədəli Kadi Borqesin yoxluğunda mərkəzi hücumameylli yarımmüdafiəçi kimi Joni Montielin start götürməsi ehtimal olunur.
Hücum xəttində isə böyük ehtimalla Kamilo Duran yer alacaq.
