Rafinyadan Yamal və Eştevao barədə xüsusi sözlər

“Barselona”nın yarımmüdafiəçisi Rafinya Çempionlar Liqasının Liqa mərhələsinin 5-ci turunda “Çelsi” ilə oyun ərəfəsində komanda yoldaşı Lamin Yamal və “zadəganlar”ın gənc hücumçusu Eştevao barədə fikirlərini bölüşüb.

Sport1.az xəbər verir ki, braziliyalı futbolçu “Marca”ya açıqlamasında hər iki oyunçunun potensialının çox yüksək olduğunu deyib:

“Bunlar inanılmaz səviyyəli iki futbolçudur. Qarşıdakı illərdə dünyanın ən yaxşıları arasında olacaqlar. Lamini klubda, Eştevaonu isə yığmada yaxından tanıyıram. Hər ikisi fövqəladə istedada malikdir. Onların inkişafı özlərindən asılıdır. Düzgün yoldadırlar və həm klublarında, həm də milli komandalarında ən yaxşı olmaq potensialları var.

Taktiki məsələlərdə onlara kömək edə bilərəm, amma əsas rolu baş məşqçilər oynayır. Mən sadəcə təcrübəmi bölüşürəm. Onlar uzun illər inkişaf etməyə davam edəcəklər”.