"Mançester Siti"nin sabiq futbolçusuna beyin xərçəngi diaqnozu qoyuldu
Danimarka yığmasının sabiq baş məşqçisi, norveçli Aqe Hareydeyə beyin xərçəngi diaqnozu qoyulub.
Sport1.az xəbər verir ki, 71 yaşlı mütəxəssis altı həftəlik şüa-terapiyası kursunu başa vurub və hazırda dərman vasitələri ilə kimyaterapiya müalicəsi alır.
Hareyde futbolçu kimi Norveçin “Hödd” və “Molde”, İngiltərənin “Norviç Siti” və “Mançester Siti” komandalarının formasını geyinib. O, məşqçilik karyerasına 1985-ci ildə “Molde”də başlayıb və 1994-cü ildə bu komanda ilə ölkə kubokunu qazanıb. Daha sonra “Helsinborq”, “Malmö”, “Rusenborq”, “Viking” və “Bröndbi” kimi klubları çalışdırıb.
Norveç, Danimarka və İslandiya yığmalarına rəhbərlik edən təcrübəli mütəxəssisin son iş yeri İslandiya millisi olub. O, 2024-cü ildə məşqçilik fəaliyyətini yekunlaşdırıb.
