Messi ilə müqayisə olunan Lenart Karl susmadı

“Bavariya”nın gənc yarımmüdafiəçisi Lenart Karl Bundesliqanın 11-ci turunda “Frayburq” üzərində 6:2 hesablı qələbədən sonra öz oyununa dair Lionel Messi ilə aparılan müqayisələrə münasibət bildirib.

Sport1.az xəbər verir ki, 17 yaşlı futbolçu Bild-ə açıqlamasında bu paralellərlə razılaşmadığını deyib:

“İnsanlar məni Messi ilə müqayisə edə bilər, bunu çox adam deyir. Amma mən belə düşünmürəm. Messi zirvədədir, mənim isə hələ çox yolum var. O mənim idealımdır. Eyni şəkildə davam etsəm, bəlkə nə vaxtsa onun səviyyəsinə yaxınlaşaram. Amma indiki məqamda özümü Messi ilə bir tutmaq doğru deyil — bu, tamam fərqli dünyadır”.

Qeyd edək ki, gənc futbolçu bu mövsüm Bundesliqada 9 matçda 2 qol, 2 məhsuldar ötürmə ilə yadda qalıb. “Transfermarkt” onun dəyərini 20 milyon avro olaraq qiymətləndirir.