Flik "Barselona"nın gələcəyi ilə bağlı nikbindir

“Barselona”nın baş məşqçisi Hans-Diter Flik komandasının yaxın perspektivinə nikbin yanaşdığını bildirib.

Sport1.az xəbər verir ki, alman mütəxəssis “Goal”a açıqlamasında kollektivdə inamın artmaqda olduğunu qeyd edib:

“Bəlkə də hələ tam istədiyimiz özünəinam yoxdur. Amma artıq bəzi futbolçular sıraya qayıdır və bu, bizə ciddi şəkildə kömək edəcək. Fantastik komandamız var. “Selta Viqo” ilə matçdakı səviyyəni davam etdirsək, hər şey yoluna düşəcək”.

Qeyd edək ki, “Barselona” hazırda La Liqada 2-ci pillədə qərarlaşıb və lider “Real”dan 3 xal geri qalır. Kataloniya təmsilçisi 22 noyabr saat 17:15-də “Atletik Bilbao”nu qəbul edəcək.