"Barselona" ÇL-də bu oyunu "Kamp Nou"da keçirəcək

“Barselona” Çempionlar Liqasının Liqa mərhələsində “Ayntraxt”la keçirəcəyi oyunun “Kamp Nou”da təşkil olunacağını açıqlayıb.

Sport1.az xəbər verir ki, klub 9 dekabrda baş tutacaq görüşün yenidən qurulan arenada oynanacağını təsdiqləyib. Qərar stadionun yan tribunalar da daxil olmaqla tutumunun artırılmasına imkan verən ilkin lisenziya alınandan sonra verilib.

Kataloniya təmsilçisi bundan əvvəl La Liqanın 13-cü turunda “Atletik”lə matçın da “Kamp Nou”da oynanacağını bildirmişdi. Həmin oyun 22 noyabrda keçiriləcək.

Xatırladaq ki, 2023-cü ilin yayından etibarən aparılan yenidənqurma işləri səbəbindən “Barselona” ev oyunlarını şəhərin Olimpiya stadionunda keçirirdi.