“Arxama toxunması məni motivasiya etdi” – Haaland Mançini ilə olanlar barədə danışdı
Norveç millisinin hücumçusu Erlinq Haaland İtaliya ilə keçirilən DÇ-2026 seçmə oyunu zamanı rəqib müdafiəçi Canluka Mançininin ona qarşı sərt və aqressiv oyunundan danışıb.
Sport1.az xəbər verir ki, 4:1 hesabı ilə başa çatan görüşdə dubl edən Haaland matçdan sonra həmin epizodlara münasibət bildirib:
“Bütün oyun ərzində mənə nəfəs almağa belə imkan vermirdi. Daim yaxın təmasda idi, bəzi anlarda isə həddini aşırdı, arxama toxunurdu. Bir dəfə soruşdum: “Nə edirsən?” Amma sonda ona təşəkkür etdim. Bu qədər sıx nəzarət məni daha çox motivasiya etdi və nəticədə iki qol vurdum”, – deyə Haaland sözlərinə əlavə edib.
Qeyd edək ki, qrupda keçirdiyi bütün görüşlərdə qələbə qazanan Skandinaviya təmsilçisi 27 illik fasilədən sonra mundiala vəsiqə qazanıb.
